WABetaInfo kópten kútken múmkindik týraly jazdy.
Messendjerde belgi paıda bolady, sonyń arqasynda paıdalanýshylar ózderi jiberetin beınelerdiń sapasyn tańdaı alady, dep habarlaıdy Almaty-akshamy.kz
WhatsApp-ta qoldanýshylarǵa joǵary sapaly vıdeony bólisýge múmkindik beretin fýnksıa paıda bolady. Paıdalanýshylar beıne faıldardy joǵary sapada jibere alady. Opsıa beıneniń ólshemin saqtaıdy, biraq faıldar syǵymdalǵan kúıde qalady.
"Bul parametr vıdeonyń ólshemderin saqtaıdy, biraq ol áli de syǵymdalady. Bul opsıa paıdalanýshylarǵa beınelerdi bastapqy sapada bólisýge múmkindik beredi degen sóz emes. Biraq osy arqyly sapa shynymen de jaqsarady dep sendire alamyz" - delingen habarlamada.
WABetaInfo mamandary fýnksıanyń ázirlenip jatqanyn, qosymshanyń bolashaq jańarýynda jańa opsıa iske asyrylýy múmkin ekenin atap ótti.