Sınoptıkter 4 shildede el aýmaǵynda aýa raıy qandaı bolatynyn boljady.
Meteorologtardyń málimetinshe, seısenbide Qazaqstannyń basym bóliginde naızaǵaı oınap, jańbyr jaýady dep boljandy, dep habarlaıdy Almaty-akshamy.kz
Sondaı-aq respýblıka boıynsha jel kúsheıip, elimizdiń ońtústik-batysy men ońtústik-shyǵysynda shańdy daýyl turýy yqtımal. Kúndiz soltústik-batysta, soltústikte, ortalyqta burshaq jaýyp, túnde jáne tańerteń soltústikte tuman túsýi yqtımal.
Sonymen qatar búgin Almaty, Atyraý, Batys Qazaqstan, Aqtóbe, Soltústik Qazaqstan, Jetisý oblystarynyń basym bóliginde, Mańǵystaý oblysynyń ońtústiginde qatty ystyq kútiledi. Sınoptıkter seısenbide el megapolısterinde aýa raıy qandaı bolatynyn da boljady.
Mamandardyń boljamynsha, búgin Astanada jańbyr jaýýy múmkin. Kúndiz aýa temperatýrasy +28...+30 gradýsqa deıin kóterilse, túnde +16...+18 gradýsqa deıin tómendeıdi. Jeldiń jyldamdyǵy – 9-14 m/s. Almatyda naızaǵaı oınaýy múmkin. Dese de, qalada kúndiz +33...+35 gradýsqa deıin ystyq bolmaq. Al túnde aýa temperatýrasy +18…+20 gradýsqa deıin tómendeıdi. Jeldiń jyldamdyǵy 3-8 m/s, biraq kúndiz ekpini 13 m/s-qa deıin jetýi múmkin.
Shymkentte kún ashyq, jaýyn-shashynsyz aýa raıy saqtalady. Megapolıste kúndiz aýa temperatýrasy +32...+34 gradýsqa deıin kóterilse, túnde +20…+22 gradýsqa deıin tómendeıdi. Jeldiń jyldamdyǵy 8-13 m/s.
Budan bólek, sınoptıkter búgin Túrkistan, Qyzylorda, Mańǵystaý, Jambyl oblystarynyń basym bóliginde, Aqtóbe, Qaraǵandy, Qostanaı, Almaty, Ulytaý oblystarynyń ońtústiginde, Jetisý oblysynyń soltústik-batysynda, Atyraý oblysynyń batysynda, Pavlodar oblysynyń soltústigi men batysynda Almaty, Soltústik Qazaqstan, Jetisý oblystarynyń basym bóliginde, Batys Qazaqstan oblysynyń ońtústik-batysynda, Abaı oblysynyń soltústik-batysynda, ońtústiginde órt shyǵý qaýpi joǵary ekenin eskertip otyr.