2024 jylǵy 8 qyrkúıek pen 20 qazan aralyǵynda sottalýshy K. "WhatsApp" mobıldi qosymshasy arqyly M.-ǵa mátindik jáne aýdıo habarlamalar jibergen.
Onda beıádep sózder aıtyp, sońǵysyn ádepsiz túrde qorlap, osylaısha onyń ar-namysy men qadir-qasıetine nuqsan keltirgen, dep habarlaıdy aqshamnews.kz.
Jeke aıyptaýshy M. aıyptaýdy qoldap, sanksıa aıasynda jaza taǵaıyndaýdy surady.
Sondaı-aq, jeke aıyptaýshy sottalýshy K.-dan moraldyq zıandy óteý esebine 150 000 teńge, ókildik shyǵystaryna 250 000 teńge mólsherinde, sondaı-aq psıhologıalyq-fılologıalyq saraptama júrgizýge 130 000 teńge mólsherinde is júrgizý shyǵyndaryn óndirip alýdy surady.
QK 131-baby 1-bóliginiń sanksıasy 100 AEK-ke deıingi mólsherde aıyppul salý ne sol mólsherde túzeý jumystary ne 120 saǵatqa deıingi merzimge qoǵamdyq jumystarǵa tartý túrindegi jazany kózdeıdi.
Sot sottalýshynyń shyn júrekten ókinýin jáne onyń jas balasynyń bolýyn qylmystyq jaýapkershilik pen jazany jeńildetetin mán-jaılar retinde tanydy.
Jeńildetetin mán-jaılardy eskere otyryp, sot K.-ny QK 131-babynyń 1-bóligi boıynsha kináli dep tanyp, oǵan 20 AEK mólsherinde (73 840 teńge somasynda) aıyppul túrinde jaza taǵaıyndady.
Sondaı-aq sottalǵan K.-dan jábirlenýshiniń paıdasyna moraldyq zıandy óteý esebine 100 000 teńge, ókildik shyǵystaryna 250 000 teńge, saraptama júrgizýge 130 000 teńge mólsherinde shyǵystar óndirildi.
Sot úkimi zańdy kúshine engen joq.