Fitch Ratings halyqaralyq reıtıńtik agenttigi «Almaty» áleýmettik-kásipkerlik korporasıasy» AQ («Almaty» ÁKK) emıtenttiń uzaq merzimdi defolt reıtıńin (EDR) «Turaqty» boljamymen «BBB-» deńgeıinde shetel jáne ulttyq valútada rastady, dep habarlaıdy aqshamnews.kz
Investısıalyq sanatqa jatatyn «BBB-» reıtıńi Kompanıanyń nesıelik qabilettiliginiń jetkilikti deńgeıin jáne nesıelik táýekelder boıynsha tómen úmitterdi kórsetedi.
Reıtıńti rastaý korporasıanyń megapolıstiń áleýmettik-ekonomıkalyq damýyndaǵy túıindi rólin eskere otyryp, qala tarapynan «Almaty» ÁKK-ni tótenshe qoldaýdyń «asa joǵary» yqtımaldyǵy týraly Fitch pikirin kórsetedi. Orta merzimdi perspektıvada reıtıńtik agenttik bul qatynastardyń ózgerýin kútpeıdi.
«Almaty» ÁKK jergilikti mıkro, shaǵyn jáne orta bıznesti qarjylandyrýdy, eski turǵyn úıdi jańartýdy, ındýstrıalyq aımaqty damytýdy, sondaı-aq áleýmettik mańyzy bar azyq-túlik taýarlaryna baǵany turaqtandyrýdy qosa alǵanda, qala úshin basym áleýmettik mańyzy bar jáne ınvestısıalyq jobalardy iske asyratyn qalany damytýdyń iri ınstıtýty bolyp qala beredi.
Fitch «Almaty» ÁKK fýnksıalaryn oryndaýǵa qabiletti uqsas uıymdardyń joqtyǵyn atap ótedi, bul korporasıanyń Qala úshin strategıalyq mańyzdylyǵyn arttyrady.
Qazirgi ýaqytta «Almaty» ÁKK halyqaralyq kredıttik reıtıńke ıe Qazaqstannyń jalǵyz áleýmettik-kásipkerlik korporasıasy bolyp qala beredi.