Almaty men óńirlerde volonterlikti damytýdyń «2024-2027 jyldarǵa arnalǵan Jol kartasy» iske qosylady
Bul týraly Almaty qalasy ÓKQ brıfıńinde «Ulttyq volonterlik jelisi» ZTB atqarýshy dırektory Tatána Mıronúk habarlady. Qazaqstanda volonterlikti damytýdyń 2021-2023 jyldarǵa arnalǵan Jol kartasy aıaqtalyp keledi, osyǵan baılanysty usynystar engizý qajet.
«Ulttyq volonterlik jeli» ZTB Qazaqstan Respýblıkasy Aqparat jáne qoǵamdyq damý mınıstrliginiń qoldaýymen «Birgemiz: áreket ýaqyty» volonterlik salasyndaǵy is-sharalar keshenin uıymdastyrý» jobasyn iske asyrý sheńberinde búkil respýblıka boıynsha volonterlikti memlekettik qoldaý standartyn birjolǵy engizý maqsatynda 17 oblysta jáne respýblıkalyq mańyzy bar 3 qalada is-sharalar men kezdesýler keshenin ótkizýdiń bastalǵany belgili boldy.
İs-sharanyń mańyzdylyǵy Qazaqstanda da, halyqaralyq arenada da volonterlik salaǵa degen qyzyǵýshylyqtyń artýyna baılanysty. Buǵan Prezıdent Qasym-Jomart Toqaevtyń aǵymdaǵy jyldyń maýsym aıynda ótken Halyqaralyq volonterler forýmynda sóılegen sózi dálel bolyp tabylady. Onda memleket pen qoǵamnyń volonterlik qyzmet salasyndaǵy senimdi áriptestigin qalyptastyrýdyń mańyzdylyǵyn atap ótti.
«Volonterlik qyzmet, sózsiz, árqaısymyz jumysqa kirisken kezde bul týraly túıindemede qoldana alatyn jáne tipti jaza alatyn tájirıbe beredi. Eriktilik ıdeıaǵa toly adamdardy tabýǵa múmkindik beredi, kóbinese olar ómir boıy dos bop shyǵady. Taǵy bir másele — saıahat. Volonterlik jobalardyń arqasynda tek Qazaqstan boıynsha ǵana emes, ózge elderge de saıahattaýǵa bolady», - dep atap ótti ÓKQ spıkeri.