Prezıdent Ekologıa jáne tabıǵı resýrstar mınıstri Erlan Nysanbaevty qabyldady.
Kezdesý barysynda Qasym-Jomart Toqaev jańa ekologıalyq zańnamany júzege asyrýǵa jáne tabıǵı resýrstardy saqtaýǵa qatysty birqatar tapsyrma berdi, dep habarlaıdy Almaty-akshamy.kz.
Prezıdent İri kásiporyndardyń shyǵaryndylaryn azaıtý jónindegi jospardyń iske asyrylýyn, sondaı-aq osy nysandardaǵy shyǵaryndylarǵa monıtorıń jasaý úshin avtomattandyrylǵan júıe engizý isin erekshe baqylaýǵa alýdy tapsyrdy.
Memleket basshysy mınıstrlikke qarasty vedimistik uıymdardyń materıaldyq-tehnıkalyq bazasyn jaqsartý jáne ulttyq parkterdegi orman órtiniń oshaqtaryn erte anyqtaý júıelerin tezirek engizý, sondaı-aq orman sharýashylyǵy qyzmetkerleriniń biliktiligin arttyrý jóninde júıeli sharalar qabyldaý qajettigin atap ótti. Sonymen qatar Qasym-Jomart Toqaev aǵash otyrǵyzýǵa qatysty aýqymdy baǵdarlamany júzege asyrý jáne retsiz paıda bolǵan qoqys polıgondary máselesin sheshýdiń keshendi tásilderin ázirleý mańyzdy ekenine nazar aýdardy.