Qytaı elimen arada 30 kún vızasyz rejım engizýdiń tıimdi tustary barshylyq.
Shyǵys Qazaqstandaǵy týrısik qaýymdastyq ókilderiniń oılary osyǵan saıady. Sondyqtan olar alǵashqylardyń biri bolyp atalǵan jobany bastaýǵa usynys bildirgen, dep habarlaıdy Almaty-akshamy.kz.
24.kz aqparatyna súıensek, bul sheshim birden qabyldanǵan joq, ótken jyly synaq túrinde júrgizildi. Sol kezde kórshi elden kelgen týrıserge eki aptalyq ýaqyttyń tym tar ekeni anyqtaldy. Joldy eseptemegenniń ózinde, týrısik oryndardy tolyq aralap úlgermeıdi. Máselen, Qatonqaraǵaı nemese Buqtyrmaǵa jetý úshin olar aldymen Astana ne Almatyǵa kelip, sodan soń Óskemenge toqtaý kerek. Bunyń barlyǵy vıza merzimin azaıta túsedi.
«Shyny kerek, eger týrıs Batys, Ońtústik nemese osy Shyǵys Qazaqstanǵa kelýdi josparlasa, oǵan eki apta jetpeıdi. Jol alystyǵyn bylaı qoıǵanda, onyń jospary ózgerýi múmkin ǵoı. 14 kún tym tyǵyz. Biz talqylap jatqan otyz kúndik vızasyz rejımniń tıimdiligin Túrkıa da, Arab ámirligi de, Taıland ta bilip otyr», - deıdi SHQO týrısik qaýymdastyq tóraǵasy Asqar Orazbaev.