Elimizde tek óndirýshiler ǵana eksporttaı alatyn tyńaıtqyshtardyń jekelegen túrleriniń tizbesi bekitildi.
Úkimet málimetinshe, bul shara osy ónimdi el aýmaǵynan shyǵarýǵa tosqaýyl qoıý jáne otandyq aýyl sharýashylyǵy óndirýshilerin qoldaý maqsatynda qabyldanyp otyr, dep habarlaıdy Almaty-akshamy.kz.
Atalǵan norma fermerlerge asa qajet amonı nıtraty jáne amofos sıaqty tyńaıtqyshtar túrlerine qatysty.
İshki naryqty, ásirese, kóktemgi egis maýsymy kezinde osy tyńaıtqyshtarmen qamtamasyz etý mańyzdy, bul maqsatta Úkimet olardyń qunyn 50% kóleminde sýbsıdıalaıdy.
Sonymen birge baǵanyń tómendigin alypsatarlar da paıdalanyp ketip jatyr.
Osylaısha, keden organdary elimizde sýbsıdıalanatyn tyńaıtqysh óndirýshilerden bólek naryq sýbektileri eksporttaǵan faktilerdi de tirkeýde. Bul otandyq agrarıılerdiń suranysyn qamtamasyz etýge keri áser etedi. Sondyqtan Úkimet tyńaıtqyshtardyń osy túrlerin tek olardy óndirýshilerge ǵana eksporttaýǵa aıryqsha quqyq berý týraly sheshim qabyldady.
Otandyq agrarıılerdiń tyńaıtqyshtarǵa degen suranysy óńir ákimdikteriniń ótinimderine sáıkes basym tártippen qamtamasyz etilmek.
Aıta ketý kerek, qabyldanǵan qaýly negizinde zańda belgilengen merzimde tıisti lısenzıalar berý tártibin retteıtin birqatar normatıvtik-quqyqtyq aktiler ázirlenedi.
QR Indýstrıa jáne ınfraqurylymdyq damý mınıstrliginiń ındýstrıalyq damý komıteti lısenzıa berýmen aınalyspaq.