Áýejaıda dórekilik tanytqan almatylyqqa úsh birdeı ákimshilik hattama toltyryldy
Beıádep sózder aıtyp, tártipke shaqyrǵan polıseılerdiń zańdy talabyna baǵynbaǵan jolaýshy jaýapqa tartyldy, dep habarlaıdy Almaty-akshamy.kz.
Astana qalasy áýejaıyndaǵy jelilik polısıa bólimine FlyArystan áýekompanıasynyń ókili «Astana – Almaty» baǵytyndaǵy áýe reısiniń jolaýshylarynyń birine qatysty shara qoldaný týraly shaǵymdandy. Onyń aıtýynsha, reıske tirkeý kezinde er adam ózin dóreki ustaǵan jáne balaǵat sózder aıtqan. Kólik polıseıleri tekserý kezinde Almaty qalasynyń 36 jastaǵy turǵynyn anyqtady. Ol polısıa bólimine jetkizý kezinde tártip saqshylarynyń zańdy talabyna baǵynbaǵan, - dep jazylǵan habarlamada.
Quqyq buzýshyǵa qatysty QR ÁQBtK-niń 434-baby (Usaq buzaqylyq), 440-baby (Alkogóldik ishimdikterdi ishý nemese qoǵamdyq oryndarǵa masań kúıde kelý), 667-baby (Quqyq qorǵaý organy qyzmetkeriniń zańdy ókimine nemese talabyna baǵynbaý) boıynsha birden úsh ákimshilik hattama toltyrylyp, 5 AEK mólsherinde aıyppul salyndy.
Usaq buzaqylyq pen baǵynbaý boıynsha materıal sheshim qabyldaý úshin Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotyna joldandy.