Qazaqstandyqtar álemniń birqatar eline vızasyz bara alady. Sol sıaqty sheteldik azamattar da elimizge vızasyz kire alady. Olardyń qatarynda jaqyn jáne alys sheteldiń azamattary bar, -dep habarlaıdy Almaty-akshamy.kz. BAQ.KZ-ke silteme jasap.
Tómende keltirilgen derekterdi WPK keńesshileri 2023 jyldyń naýryz aıyndaǵy erejeler negizinde daıyndaǵan.
Qazaqstan Respýblıkasyna kelý úshin sheteldik azamattarǵa sapardyń maqsatyna jáne bolý merzimine baılanysty vıza talap etiledi.
Qazaqstandyq vıza sanattary:
- İskerlik vıza
- Jumys vızasy
- Otbasylyq vıza
- Jeke vıza
- Týrısik vıza
- Investor vızasy
- İskerlik ımıgrasıalyq vıza
- Turýǵa ruqsat alý úshin vıza
Qazaqstan ózara vızasyz saparlar týraly ekijaqty kelisimder jasasqan elderdiń azamattaryna vıza talap etilmeıdi. Mysaly, Reseımen nemese Ázirbaıjanmen.
Jaqyn shetel:
| Azamattyǵy | QR-ǵa kirý | Bolý merzimi |
| Ázerbaıjan | vızasyz | 90 kúnge deıin nemese ýaqytsha turýǵa ruqsattyń merzimi |
| Armenıa | vızasyz | 90 kúnge deıin nemese ýaqytsha turýǵa ruqsattyń merzimi |
| Belarýs | vızasyz | 90 kúnge deıin nemese ýaqytsha turýǵa ruqsattyń merzimi |
| Grýzıa | vızasyz | 90 kúnge deıin nemese ýaqytsha turýǵa ruqsattyń merzimi |
| Qyrǵyzstan | vızasyz | 90 kúnge deıin nemese ýaqytsha turýǵa ruqsattyń merzimi |
| Moldova | vızasyz | 90 kúnge deıin nemese ýaqytsha turýǵa ruqsattyń merzimi |
| Reseı | vızasyz | 90 kúnge deıin nemese ýaqytsha turýǵa ruqsattyń merzimi |
| Tájikstan | vızasyz | 90 kúnge deıin nemese ýaqytsha turýǵa ruqsattyń merzimi |
| Túrkimenstan | vıza | vıza merzimi |
| Ózbekstan | vızasyz | 30 kúnge deıin nemese ýaqytsha turýǵa ruqsattyń merzimi |
| Ýkraına | vızasyz | 180 kún ishinde 90 kúnge deıin nemese vıza merzimi |
Alys shetel:
Bul elder azamattarynyń kelý jáne bolý tártibi ekijaqty kelisimdermen anyqtalady.
| Azamattyǵy | QR-ǵa kirý | Bolý merzimi |
| Andorra | vızasyz | 30 kúnge deıin nemese vıza merzimi |
| Argentına | vızasyz | bir jyl ishinde 30 kúnge deıin nemese vıza merzimi |
| Brazılıa | vızasyz | bir jyl ishinde 30 kúnge deıin nemese vıza merzimi |
| Gonkong | vızasyz | 14 kúnge deıin nemese vıza merzimi |
| Maldıvy | vızasyz | 30 kúnge deıin nemese vıza merzimi |
| Mońǵolıa | vızasyz | 90 kúnge deıin nemese vıza merzimi |
| BAÁ | vızasyz | 30 kúnge deıin nemese vıza merzimi |
| Serbıa | vızasyz | 30 kúnge deıin nemese vıza merzimi |
| Túrkıa | vızasyz | 30 kúnge deıin nemese vıza merzimi |
| Ekvador | vızasyz | ár 180 kúndik kezeń ishinde 30 kúnge deıin nemese vıza merzimi |
| Ońtústik Koreıa | vızasyz | 30 kúnge deıin, biraq árbir 180 kúndik kezeń ishinde 60 kúntizbelik kúnnen artyq emes nemese vızanyń uzaqtyǵy |
VIZASYZ REJIM
2022 jyldyń qańtarynda Qazaqstan 54 eldiń azamattary úshin vızasyz rejımdi qalpyna keltirdi.
| Avstralıa | Irlandıa | Malta | AQSH |
| Avstrıa | Islandıa | Meksıka | Taıland |
| Bahreın | Ispanıa | Monako | Fılıppın |
| Belgıa | Italıa | Nıderlandy | Fınlándıa |
| Bolgarıa | Kanada | Jańa Zelandıa | Fransıa |
| Vatıkan | Katar | Norvegıa | Horvatıa |
| Ulybrıtanıa | Kıpr | Oman | Chehıa |
| Vengrıa | Kolýmbıa | Polsha | Chılı |
| Vetnam | Kýveıt | Portýgalıa | Shveısarıa |
| Germanıa | Latvıa | Rýmynıa | Shvesıa |
| Gresıa | Lıtva | Saýd Arabıasy | Estonıa |
| Danıa | Lıhtenshteın | Sıngapýr | Japonıa |
| Izraıl | Lúksembýrg | Slovakıa | |
| Indonezıa | Malaızıa | Slovenıa |
54 eldiń azamattary Qazaqstanda ár kelgen saıyn 30 kúnge deıin vızasyz bola alady. Saparlar sany shekteýsiz. Alaıda, mundaı saparlar boıynsha jıyntyq merzim 180 kúndik kezeń ishinde 90 kúnnen aspaýy kerek.
Vızasyz rejım boıynsha shetel azamattary Qazaqstanǵa týrısik, jeke jáne qysqa merzimdi iskerlik maqsatta kele alady. İssaparlarǵa kezdesýler men kelissózder, sharttar jasasý, sondaı-aq konferensıalar men forýmdarǵa qatysý bolýy múmkin.
Vızasyz saparlar sheńberinde sheteldikterge Qazaqstan Respýblıkasynyń aýmaǵynda eńbek nemese ózge de aqyly qyzmetpen aınalysýǵa tyıym salynady. Sondaı-aq kez kelgen montajdaý jáne jóndeý jumystaryna, konsýltasıalyq jáne aýdıtorlyq qyzmetterge, oqý sabaqtaryna tyıym salynady. Mundaı maqsattar úshin vıza qajet.
Vızasyz rejım - 14 kún
2022 jyly Qazaqstan Úndistan, Iran jáne Qytaı azamattary úshin vızasyz rejım ashty. Bul elderdiń azamattary úshin vızasyz rejım birjaqty tártipte jumys isteıdi.
Jańa erejege sáıkes, Úndistan, Iran jáne Qytaı azamattary Qazaqstanǵa iskerlik, jeke jáne týrısik maqsatpen shekaradan ótken sátten bastap kúntizbelik 14 kúnge deıin vızasyz kire alady.
Qazaqstan-Qytaı: Ekijaqty vızasyz rejım engiziledi
Qazaqstan azamattary memlekettik shekaradan ótken soń Qytaı aýmaǵynda 30 kúnge deıin vızasyz bola alady. Mundaı jeńildikti qujatqa qol qoıylǵannan keıin Qytaı azamattary da paıdalana alady.
Iaǵnı týrıser shekaradan ótken sátten bastap 30 kúnnen jáne 180 kúndik kezeńde 90 kúnnen aspaıtyn merzimde bola alady.
Eger osy elderdiń biriniń azamattary ekinshi tarap memleketiniń aýmaǵynda kózdelgen merzimnen uzaǵyraq qalýǵa nıet bildirse, onda olar memleket aýmaǵyna kirgenge deıin tıisti vızaǵa júginýge tıis.
Qazaqstandyqtar úshin jaramdy jol júrý qujattary:
- QR azamattynyń tólqujaty;
- QR aýmaǵyna qaıtý týraly kýálik.
Qytaı azamattary úshin:
- QHR azamatynyń jartylaı qyzmettik tólqujaty;
- QHR azamatynyń tólqujaty;
- ýaqytsha jol júrý qujaty.
Kelisimge osy aıda qol qoıylsa, ekijaqty vızasyz rejım kúshine enedi.
Taǵy 26 elmen vızasyz rejım engizilýi múmkin
Qazaqstan 26 elmen ózara vızasyz rejım engizý týraly kelissóz júrgizip jatyr. Olardyń qatarynda Avstrıa, Saýd Arabıasy, San-Marıno, Bahreın jáne basqalary bar.
Sheteldik saıahatshylardyń Qazaqstanǵa qyzyǵýshylyǵy joǵary. Sol sebepti biz elimizdiń týrısik áleýetin tolyq ashý úshin júıeli túrde jumys istep jatyrmyz. Onyń ishinde kelýshi týrıser aǵynyn ulǵaıtý maqsatyndaǵy is-sharalar bar. Sonymen qatar, biz kóshi-qondy baqylaýdy jaqsartýǵa múmkindik beretin tetikterdi iske asyryp otyrmyz. Sonyń biri eQonaq aqparattyq júıesi, - dedi Mádenıet jáne sport mınıstrliginiń resmı ókili Móldir Ábdýalıeva.