Soltústik Cholla provınsıasyna Almaty oblysynan arnaıy delegasıa bardy.
Eki el farmasevtıka, temeki óndirisi jáne aýyl sharýashylyǵy salalaryndaǵy baılanysty damytpaq.
Soltústik Cholla provınsıasy men Almaty oblysynyń tabıǵattary uqsas. Bul aımaqta 2 mıllıonǵa jýyq adam turady. Jáne munda aýyl sharýashylyq salasy jaqsy damyǵan. Soltústik Cholla – kókónis pen jemistiń Ońtústik Koreıanyń eń iri óndirýshisi. Sondyqtan kelissózder negizinen agroónerkásip keshenindegi yntymaqtastyq týraly boldy, dep habarlaıdy Almaty-akshamy.kz 24.kz-ke silteme jasap.
Ońtústik Koreıanyń aýyldarynda mamandar tapshy. Sondyqtan 2021 jyldan bastap úkimet 39 jasqa deıingi jastardy aqyldy fermalardy basqarýǵa tegin úırete bastady. Olar 2 jyl oqyp, aıyna 700 dollardaı shákirtaqy alady. Al oqýdy bitirgennen keıin túlekterge jeńildikpen jer jalǵa beriledi. Jas maman aqyldy fermanyń kómegimen 3 jylda 100 000 dollarǵa deıin tabys taba alady. Oqý ortalyǵynyń qurylysyna 89 mıllıon dollar jumsalǵan. Bul qarjynyń 70 paıyzy memlekettik búdjetten, 30 paıyzy jergilikti qazynadan bólingen.
«Bizge de ol óte qolaıly óıtkeni búgingi kúnge jastar kóbisi jermen aınalysqysy keledi, qaıtadan aýylǵa qaıtqysy keledi. Biraq oǵan bilim kerek, búgingi tehnologıalarǵa, búgingi zamanaýı bilim kerek. Sonymen bulardyń smart fermasy tek qana ferma men teplısa emes jalpy mynaý jastardy tartyp olarǵa kompetensıalaryn joǵarylatyp ary qaraı bızneske ózderiniń jobalaryn isin bastaýǵa osyndaı jumysty atqarady eken», - deıdi Almaty oblysynyń ákimi Marat Sultanǵazıev.
Koreıalyqtar Almaty oblysy, Qarasaı aýdanynda zaýyt salý máselesin talqylady. Joba kelesi aıda bastalady dep josparlanýda. Zaýyt aldaǵy ýaqytta farmasevtıkalyq ónimder
«Almaty oblysy ákimdigimen birlesip temeki salasyn damytamyz. Tehnıkalyq múmkindikterimiz ben sapamyzdy paıdalana otyryp, biz zaýyt salamyz. Óndiriste qazaqstandyq jáne ımporttyq shıkizatty paıdalanatyn bolamyz. Búgin Reseıde, Túrkıada, Indonezıada zaýyttarymyz bar», - deıdi temeki zaýytynyń dırektory Men Ken Ho.
Qazaqstan men Koreıa mádenı salada da yntymaqtastyqty tereńdetýge kelisti. Osy maqsatta keler aıda provınsıa delegasıasy Qonaevqa keledi. Al qarasha aıynda Soltústik Chollada Almaty oblysynyń iri kompanıalarynyń qatysýymen bıznes-forým ótkizý josparlandy