Visa kompanıasy shetelmen alys-berisi bar qazaqstandyq kásipkerlerdiń jumysyn jeńildetti.
Olar ózge memleketke bar-joǵy 2-3 saǵatta qarjy aýdarýǵa múmkindik beretin jańa servısti iske qosty. Buryn bul proses 1 aptaǵa deıin sozylatyn. Visa kompanıasynda salany serpiltýge arnalǵan ózge de ınovasıalyq ıdeıalar bar. Onyń birqatary "Astana Finance Days" halyqaralyq konferensıasynda talqylandy, dep habarlaıdy Almaty-akshamy.kz
Qazaqstan qarjy naryǵyna ınovasıa engizý boıynsha Ortalyq Azıada ǵana emes, búkil álemde kósh bastap tur. Astana Finance Days konferensıasynda sharanyń basty seriktesi bolǵan sıfrlyq tólemder ındýstrıasynyń álemdik kóshbasshysy Visa kompanıasy sarapshylarmen birge eldiń qarjy salasyn odan ári damytýdy talqylady, dep jazady 24.kz.
- Búgin áriptesterimizben ótkizgen pikirtalas qarjy sektoryndaǵy ınovasıalarǵa arnaldy. Salaǵa jańashyldyq ákelýge tyrysyp júrgen áriptesterimmen birge Qazaqstannyń qarjy sektoryndaǵy ahýaldy talqylaǵanyma qýanyshtymyn. Paneldik sesıa barysynda Visa kompanıasynyń ókili qarjy salasyn serpiltýge baǵyttalǵan tájirıbelerimen bólisti. Jalpy jıynǵa álemniń túkpir-túkpirinen jınalǵan qarjygerler men sarapshylar qatysty, -deıdi VISA vıse-prezıdenti Krıstına Dorosh.
- Qazir ekinshi deńgeıli bankterdiń arasynda báseke jańa deńgeıge kóterilip jatyr. Sondyqtan bankter ozyq tehnologıany qabyldap, keshendi ekojúıelerin qurastyryp jatyr. Tek qana depozıt berip, kredıt jınap, qazir óz kredıtterin halyqtarǵa eshqandaı serpin alyp kele almaısyń. Jıynda jahandyq ekojúıeni damytý jáne qarjylyq qyzmetterdi sıfrlandyrý jaıy da sóz boldy, dedi Bank Freedom Finance Kazakhstan dırektorlar keńesi tóraǵasynyń keńesshisi Aıdos Jumaǵulov.
- Ádette mundaı forýmdarda kompanıalardyń jetistikteri aıtylady. Ózara tájirıbe almasamyz. Sala serpilisine sep beretin qyzyqty mysaldar sóz bolady. Sondaı-aq sharada jasandy ıntellekttiń qarjy naryǵyna áseri talqylandy. Konferensıaǵa barlyǵy 70 elden 3 myńnan astam qarjy salasynyń ókilderi qatysty, dep óz pikirin bildirdi Halyk Bank Basqarma tóraǵasynyń orynbasary Jumabek Mamýtov.