Almaty qalasy Qutqarý qyzmetine keshe keshki saǵat 21:37-de joǵalǵan azamat týraly habarlama túsken.
Onda grekıalyq G.esimdi azamattyń «Volchá goraǵa» jolǵa shyǵyp, sol kúıi oralmaǵany aıtylǵan, dep habarlaıdy Almaty-akshamy.kz.
Qutqarý qyzmetiniń málimdeýinshe, týrıstiń joǵalǵany týraly ol turaqtaǵan hosteldiń ıesi habarlady. Onyń aıtýynsha, týrıs onyń telefonyna ornalasqan jeri men "qaıtar joldan adasqany" jaıly habarlama kelgen.
Ol hatta tym qarańǵy bolǵandyqtan jáne arnaıy jaryq quraldarynyń bolmaýy sebepti joldy jalǵastyra almaıtyndyǵyn da jazǵan.
Qutqarý qyzmetiniń qutqarýshylary sońǵy geomálimet boıynsha izdestirý jumystaryn bastady.
«01:11-de joǵalǵan azamatty taýyp, taýdan túsirý jumystary bastaldy. Týrıs din aman, medısınalyq kómek qajet bolmady», - delingen Almaty qalasy Qutqarý qyzmetiniń habarlamasynda.