Vekerı kóli kórikti jerlerdiń biri bolǵan
Vengrıada sońǵy aılardaǵy aptap ystyq saldary ózen-kólderge qatty áser etýde. Birneshe aptanyń ishinde birden eki birdeı iri kól tartylyp qaldy dep habarlaıdy, dep habarlaıdy Almaty-akshamy.kz BAQ.KZ-ke silteme jasap.
Euronews taratqan aqparat boıynsha, Vekerı kóli – Debresenniń kórikti jerleriniń biri bolatyn. Alaıda qurǵaqshylyqtan bul jerde endi kól ornyna shalshyq sý ǵana qalǵan. Ótken aıda óńirde aılyq normadan 50 mm-ge az jaýyn-shashyn jaýǵan.
Tipti, iri venger kólderiniń ózi tartylyp qalýdyń az-aq aldynda tur. Olardaǵy sý deńgeıi birden túsip ketken. Úkimet iri ózenderden sýdy burý arqyly jaǵdaıdy retke keltirýge tyrysyp jatyr.
Eldiń ońtústik-batysyndaǵy Bıcherdı kóli balyǵynyń kóptigimen tanymal bolǵan edi. Qazir onyń qurǵap qalǵan túbi kórinip tur.
Qurǵaqshylyq aýyl sharýashylyǵyna da úlken qaýip tóndirdi. Bıyl 300 myń gektar júgeri men 200 myń gektar kúnbaǵys alqaby qurǵap qalǵan. Memlekettiń shyǵysynda arpa egistigi eki ese kishireıdi.
Venger agrosektorynyń qarjylaı shyǵyny qazirdiń ózinde 1 mlrd eýroǵa jetken.