Ortasha eseppen jylyna 200 balabaqsha ashylady
2024 jyldan bastap Qazaqstanda balabaqshalar qyzmetin lısenzıalaý sharasy qolǵa alynady. Bul týraly QR Oqý-aǵartý mınıstrligi bilim jáne ǵylym salasynda sapany qamtamasyz etý komıtetiniń tóraǵasy Gúlzat Kóbenova málim etti, dep habarlaıdy Almaty-akshamy.kz QazAqparat-qa silteme jasap.
«Balabaqsha qyzmetin lısenzıalaý jańa dúnıe emes. 2011 jylǵa deıin lısenzıalaý bolǵan. Sol jyldary mınıstrliktiń aldynda balalardy mektepke deıingi bilim-tárbıe oshaǵymen qamtamasyz etý mindeti turdy. Sol sebepti lısenzıalaýdy ýaqytsha alyp tastady. Sodan beri 10 jyl ýaqyttyń ishinde balabaqshamen qamtý maqsaty oryndaldy. Búginde elimiz boıynsha balabaqshamen qamtý kórsetkishi 99 paıyzdy quraıdy. Endigi ýaqytta sapaǵa mán berý kerek. Iaǵnı balabaqshalardyń qanshalyqty zań, talap pen suranysqa saı jumys isteıtini mańyzdy bolyp otyr», - dedi Gúlzat Kóbenova mınıstrliktiń «Oqu-ağartu LIVE» jobasynyń efırinde.
Onyń aıtýynsha, bıyl jáne kelesi jyly balabaqshalardy lısenzıalaýǵa daıyndyq jumysy júredi. Al lısenzıa berý 2024 jyly bastalmaq. «Lısenzıalaý jumysy kezeń-kezeńimen júredi. Ol eń aldymen jańadan ashylǵan balabaqshalarǵa qatysty. Aıta ketsek, elimizde ortasha eseppen jylyna 200 balabaqsha ashylady. Ekinshiden, memlekettik attestasıadan ótpegen balabaqshalar lısenzıalanady. Statısıkaǵa súıensek, memlekettik attestısıadan 2 ret ótpeı qalǵan balabaqshalardyń úlesi 1-2 paıyzdy qurap otyr. Úshinshi kezeńde qyzmeti boıynsha táýekel jáne kúmán týdyratyn balabaqshalar lısenzıalanady», - deıdi ol. Sondaı-aq, komıtet basshysy bilim berý uıymdarynyń qyzmetin lısenzıalaý mektep jáne kolejderde bar ekenin eske saldy. Buǵan deıin QR Oqý-aǵartý mınıstri Asqat Aımaǵambetov balabaqshalardy lısenzıalaý prosesin túsindirip bergen edi. Eske sala ketsek, Úkimettiń keńeıtilgen otyrysynda Memleket basshysy Qasym-Jomart Toqaev jekemenshik balabaqshalardy lısenzıalaý tártibi qaıta engiziletinin aıtty.