Velosıped tebýshiler sany artýda
Qazir barsha álemde velosıpedti paıdalaný jaǵy artqan. Tipti eń tıimdi qural desek, shataspaımyz. Ásirese, úlken megapolısterde qajetińizge jaraıdy. Baratyn jerińizge esh keptelissiz, jyldam jetýge múmkindik beredi. Bul úshin artyq qarajat jumsamaısyz. Atalǵan ekologıalyq kólik quraly sizdiń jeke múlkińiz bolsa, tipti keremet.
Qalamyzda alǵash bolyp «Almaty bike» jobasy «Samuryq Qazyna» AQ birlesip ornatylǵan bolatyn. Bul - dúnıe júzindegi qoǵamdyq kólik, mashınadan bas tartqan Sıngapýr, Malaızıa, Tokıo, Pekın, Shanhaı syndy megapolúster men elderdiń ozyq tájirbıesi.
Búginde Japonıa, Ońtústik Koreıa, Qytaı sıaqty Shyǵys-Azıa memleketteri qoǵamdyq kólikti bylaı qoıyp, shaıtan arbalarǵa aýysqan. Munda ýaqyt únemdeledi, qorshaǵan ortaǵa zıansyz ári densaýlyqqa paıdaly. Jahan jurtshylyǵy birte-birte ekologıaǵa paıdaly dúnıelerge aýysýda.
Almaty – elimiz boıynsha velosıped qoldanýshylary boıynsha birinshi nómirli shahar. Bizde beıresmı derek boıynsha, 3 mılıonǵa jýyq adam ǵumyr keshedi. Sońǵy ýaqyttary qoǵamdyq marshýrttar ornyn gıdroskýter, elektrosamokattor almastyrýda. Bul turǵyndarǵa eń qolaıly, eń jeńil, eń yńǵaıly qatynas tetigi bolyp tur. Sondaı-aq «Ózim» «Almaty baık» t.b qosymshalardan ózińizge qajetti transporttyq quraldardy qoldana alasyz.
Álginde sóz basynda aıtqanymyzdaı, óte qajetti qural. Eń bastysy, densaýlyqqa paıdasy zor. Barlyq dene qozǵalady. Túıindeı kele, velosıped paıdaly ári ekologıalyq tımidi kólik bolyp sanalady demekpiz.