Almatylyq velosaıahatshy Antarktıdany baǵyndyrýdy armandaıdy.
Talǵat Jumabekov eki dońǵalaqty kóligimen buǵan deıin 49 elge saıahat jasaǵan. Ol taǵy 101 memleketti aralaýdy josparlap otyr, - dep habarlaıdy almaty-akshamy.kz. KTK telearnasyna silteme jasap.
Talǵat Jumabekov velosıpedpen saıahattaý ıdeıasy alǵash ret segiz jyl buryn kelgen. Odan keıin Mekkege baryp, qajylyq paryzyn óteýdi josparlady. Alǵashynda kıeli mekenge jaıaý jetkisi keledi, biraq keıin joldy velosıpedpen kesip ótýdi jón kóredi. Mysyrǵa jetedi, biraq birden Saýd Arabıasyna vıza ala almaıdy. Tórtinshi áreketinde ǵana Talǵat josparyn oryndaı aldy.
Saıahatshynyń aıtýynsha, alǵashqy velosaıahatynan keıin ol saıahattyń bul túrine ǵashyq bolyp, endi toqtaı almaı otyr.
"Men ózimmen kúresý úshin osy qıyndyqtardyń barlyǵyn jeńdim. Sodan tándik jáne moraldyq lázzat aldym. Rýhanı! Meniń saıahatymnyń ajyramas bóligi - rýhanı azyq alý, adamdarmen qarym-qatynas", - deıdi Talǵat Jumabekov.
Er adamnyń aıtýynsha, velosıped tebý onyń ómir saltyna aınalǵan. Ol 49 eldi aralap úlgerdi. Basty maqsaty – elimizdi tanymal etý. Sondyqtan ol velosıpedimen qaıda júrse de Qazaqstannyń týy jelbiretip júredi. Er adam sheteldiktermen aralasqandy, olardyń mádenıetimen tanysqandy jáne qazaq mádenıeti týraly sóıleskendi unatady. Jolda tek jaqsy adamdar kezdesedi deıdi. Olar kómektesedi, qonaqqa shaqyrady, dastarhan jaıyp, túnde turýdy qamtamasyz etedi.
Endi Talǵat Jumabekov Kolýmbıaǵa at basyn burdy. Ol Aýstralıaǵa barýdy jáne Antarktıdaǵa az da bolsa qol tıgizýdi armandaıdy.