TikTok-ta varıkozdy tamyrlardy tolyq joıatyn keremet ádisi týraly vıdeo shyqty.
Dárigerler bul aqparatty jasyryp júrgen kórinedi, dep habarlaıdy Almaty-akshamy.kz.
Al emdelý úshin tórt-aq ıngredıent qajet eken: pıaz, sarymsaq, bal jáne maı. Bunyń mán-jaıyn Stopfake.kz anyqtap kórdi.
Vıdeoda sarymsaq pen pıaz shyrynyn syǵyp, oǵan bal men maı qosý kerek delingen. Alynǵan qospany zaqymdalǵan tamyrlarǵa jaǵyp, 3 saǵat júrý kerek. Rolıkti jasaýshylardyń aıtýynsha, bul prosedýrany kúnine 1 ret jasasa, tamyrlar kóp uzamaı qalpyna keledi. Iaǵnı, emniń nátıjesi qashan kórinetini belgisiz. Osynyń ózi oılanatyn jaǵdaı.
Maı men túrli qospalardy jaǵyp, varıkozdy tamyrlardy joıýǵa bola ma? Muny anyqtaý úshin onyń qandaı aýrý ekenin bilgen jón.
Varıkozdy tamyrlar – aıaqtyń tinderinde qan toqyraı bastaǵanda oryn alatyn tamyrlardyń patologıalyq keńeıýi. ( .) Bul venozdyq qaqpaqsha fýnksıasynyń ózgerýine baılanysty bolady. Qan aınalymy tamyrlar arqyly tómennen joǵary, arterıalarmen joǵarydan tómen qaraı júredi. Ol qaqpaqshalardyń aldynda kidirip otyryp jyljıdy. Bul qannyń keri aǵýyn boldyrmaıdy. Ádette qan bir qaqpaqshadan ekinshisine erkin aınalady. Eger tártip buzylsa, suıyqtyqtyń belgili bir bóligi tómen túsýi múmkin. Olaı bolsa, venozdyq qan qysymy kóterilip, tamyrlar keńeıip, deformasıalanady. Osylaısha varıkozdy tamyrlar paıda bolady.
Varıkozdy tamyrlardy emdeý keshendi túrde júrgizilýi kerek. Hırýrgıanyń negizinde, al konservatıvti ádister kómekshi retinde kóp qoldanylady. Olardyń tıimdiligi asyra baǵalanǵan, bul qate.
Halyqtyq emdeý quraldary, dárihanadan alynǵan maılar aýyrsynýdy ýaqytsha ǵana basady. Kún saıyn jaqpa jaqsańyz da, qaqpaqshalar durys jumys istemeıdi. Al aýrý órshı túsedi.
Internette varıkozdy aralarmen, súliktermen, alma sirke sýymen jáne balshyq vanalarymen emdeýge bolatyn reseptiler bar. Bul ádisterdiń barlyǵy jaǵdaıdy qıyndatyp, orny tolmas saldarǵa ákelýi yqtımal.
Densaýlyq máselelerinde blogerlerdiń sózine senbegen jón. Halyqtyq em-domnyń qarsy kórsetilimderi bolmasa da, dárigerdiń keńesi qajet. Pıaz, sarymsaq, bal jáne sary maı qospasy varıkozdy tamyrlardy tolyǵymen emdeıtini ǵylymı turǵylan dáleldenbegen.