NCD Risk Factor Collaboration zertteý uıymy kúlli álem boıynsha artyq salmaqtan zardap shegetinder sanyn anyqtady.
Atalmysh uıym málimetinshe, semiz adamdar qarasy bir mlrd adamnan asyp ketken. Jahandyq derekterdi taldaý nátıjesi 2022 jyly balalar men jasóspirimder arasyndaǵy semizdik deńgeıi 1990 jylmen salystyrǵanda tórt ese joǵary óskenin kórsetti, dep habarlaıdy Almaty-akshamy.kz.
Semizdik deńgeıi áıelder arasynda eki eseden astam, al erlerde shamamen úsh esege artqan. 2022 jyly barlyǵy 159 mıllıon bala men jasóspirim, sondaı-aq, 879 mıllıon eresek adam semizdik indetine shaldyqqan. 1990 jáne 2022 jyldar aralyǵynda salmaq jetispeýshilikten zardap shegetin balalar men jasóspirimderdiń úlesi álem boıynsha qyzdar arasynda shamamen besten birine, al uldar arasynda úshten birinen astamǵa azaıdy. Dál osy kezeńde álem boıynsha salmaǵy kem eresekterdiń úlesi eki eseden astamǵa azaıǵan. Eresekterdiń dene salmaǵynyń ındeksi (BMI) bir sharshy metrge 30 keliden assa nemese oǵan teń bolsa, semiz adam sanatyna jatqyzyldy, al eger olardyń BMI-i bir sharshy metrge shaqqanda 18,5 keliden az bolsa, salmaǵy kem, dep jikteledi.