Almatyda bolashaq analarǵa arnalǵan skrınıngtiń eýropalyq standarty qoljetimdi bolady
Qazaqstan Respýblıkasynda alǵash ret Almaty qalasyndaǵy Perınatologıa jáne balalar kardıohırýrgıasy ortalyǵynda saraptamalyq deńgeıdegi últradybystyq zertteý, bıohımıalyq skrınıng jáne genetıkalyq keńes berýdi qamtıtyn «Bir kúndik klınıka» pılottyq jobasy iske qosyldy.
Eger hromosomalyq patologıanyń markeri anyqtalsa ne hromosomalyq aýytqýdyń qaýip deńgeıi shekti mánnen joǵary bolsa, pasıent mýltıdısıplınarlyq konsýltasıaǵa jiberiledi. Osydan keıin Daýn, Pattaý, Edvards, Shereshevskıı-Terner jáne Klaınfelter sındromy sıaqty jıi kezdesetin týa bitken patologıalardy anyqtaýǵa múmkindik beretin sıtogenetıkalyq zertteý júrgiziledi.
Zerthanalyq jáne genetıkalyq zertteýler prenataldy dıagnostıka boıynsha Fetal Medicine Foundation jetekshi eýropalyq uıymnyń jabdyǵynda júzege asyrylady.
Bul joba Qazaqstan Respýblıkasy Densaýlyq saqtaý mınıstrligi, Almaty qalasy ákimdigi jáne «AYALA» qaıyrymdylyq qorynyń nátıjeli yntymaqtastyǵy arqasynda júzege asyryldy.
«Bir kúndik klınıkanyń» ashylýyna: Qazaqstan Respýblıkasy Densaýlyq saqtaý mınıstrligi Ana men bala densaýlyǵyn qorǵaý departamenti dırektory Maǵrıpa Embergenova, Qazaqstan Respýblıkasy Densaýlyq saqtaý mınıstrligi Densaýlyq saqtaý basqarmasynyń basshysy Shákızat Halyqova, Almaty qalasy ákiminiń orynbasary Ásem Núsipova, Almaty qalasy Qoǵamdyq densaýlyq saqtaý basqarmasy basshysynyń orynbasary Nazgúl Imanǵalıeva jáne basqalar qatysty.
«Ókinishke qaraı, sońǵy 10 jylda Qazaqstan Respýblıkasynda týa bitken aýytqýy bar balalardyń týý jıiligi tómendegen joq. Prenataldy skrınıngti jaqsartý, praktıkalyq tájirıbeni qabyldaý jáne ony Qazaqstan Respýblıkasynda engizý maqsatynda Densaýlyq saqtaý mınıstrliginiń mamandary bas genetık jáne prenataldyq dıagnostıka jónindegi bas ÝDZ mamany elimizdiń medısınalyq-genetıkalyq qyzmetiniń tıimdiligine aýdıt júrgizip, halyqaralyq tájirıbeni zerdeledi. Osyǵan baılanysty mınıstrlik uryqtyń týa bitken aqaýyn erte dıagnostıkalaý jáne aldyn alý tıimdiligin arttyrýǵa, náreste ólimin jáne balalar múgedektigin tómendetýge baǵyttalǵan prenataldyq medısına qyzmetin odan ári jetildirý boıynsha birqatar strategıalyq sheshimdi negizdedi, olardy óz kezeginde halyqaralyq sarapshylar oń baǵalady. Prenataldy últradybystyq dıagnostıka jáne medısınalyq genetıka boıynsha jetekshi sarapshylardan turatyn sarapshylar toby quryldy. Top Qazaqstan Respýblıkasyndaǵy prenataldy skrınıng erejelerin qaıta qaraýǵa qatysty. Alǵash ret Qazaqstan Respýblıkasynda prenataldyq medısına qyzmetiniń jumysyn retteıtin normatıvtik qujat - Prenataldy últradybystyq dıagnostıkany uıymdastyrý jáne medısınalyq-genetıkalyq kómek kórsetý standarttary ázirlendi, «Uryqty qorǵaý» respýblıkalyq ortalyǵy qurylyp, 20 aımaqta «Uryqty qorǵaý ortalyǵynyń» jumysy uıymdastyryldy», - deıdi QR Densaýlyq saqtaý mınıstrliginiń Medısınalyq kómekti uıymdastyrý departamentiniń dırektory Maǵrıpa Embergenova.
Almaty qalasy Perınatologıa jáne balalar kardıohırýrgıasy ortalyǵy týa bitken júrek aqaýyn prenataldyq dıagnostıkalaýǵa jáne júktilik kezinde ár túrli aýrýy bar áıelderge kómek kórsetýge mamandanǵan jetekshi medısınalyq mekeme bolyp tabylady.
Ortalyqtyń mindeti - áıeldiń densaýlyǵyn saqtaý jáne ana bolý qaýipsizdigie qamtamasyz etý, sábı ólimi men bala múgedektigin azaıtý.
Bir kúndik klınıka 2022 jyly qurylǵan Uryqty qorǵaý ortalyǵy bazasynda ashylyp, týa bitken aqaýdy prenataldyq dıagnostıkalaý boıynsha qyzmet kórsete bastady.
«Biz pasıentterimizge bolashaq balanyń densaýlyǵyna qatysty eń dál jáne ýaqtyly dıagnoz qoıýǵa tyrysamyz. Bir kúndik klınıka júkti áıelderge bir kún ishinde barlyq tekserýden ótýge múmkindik beredi. Munda «osynda jáne qazir» prınsıpi mańyzdy ról atqarady. Endi biz emdelýshilerge memlekettik tegin medısınalyq kómek aıasynda eń zamanaýı medısınalyq dıagnostıka men emdeý ádisterin usyna alamyz», - dep atap ótti Almaty qalasy Perınatologıa jáne balalar kardıohırýrgıasy ortalyǵynyń dırektory Gúlnar Nurlanova.