Ol «Spýtnık-V» vaksınasynyń quramynda bar jáne bul qupıa emes.
Telegram messendjerinde paıdalanýshylar COVID-19-ǵa qarsy «Spýtnık-V» vaksınasynda bronhıt belgilerin týdyratyn qaýipti zat bar dep jazdy, dep habarlaıdy Almaty-akshamy.kz
Bul vaksınalardyń kómegimen adamdardy ádeıi ýlap, preparattyń janama áserlerin COVID-19 juqtyrýdyń belgisi dep aıtylatynyn dáleldeıdi eken.
Stopfake.kz-tiń jazýynsha, bul jalǵan.
Taralǵan rolıkte EDTA nemese etılendıamıntetraset qyshqyly dep atalatyn zat týraly aıtylǵan. Ol «Spýtnık-V» vaksınasynyń quramynda bar jáne bul qupıa emes.
EDTA – bul farmasevtıkada ǵana emes, jeńil ónerkásipte de qoldanylatyn adamǵa zıansyz zat. Mysaly, ol kóptegen sýsabyndar men kosmetıkalyq ónimderdiń quramyna kiredi. Bul qyshqyl ónimniń qaýipsizdigin jáne onyń túrin qamtamasyz etý úshin qajet. Sýsabyndardyń quramynda EDTA sýdyń qattylyǵyna qarsy áreket etip, sýsabyndy paıdalanǵan kezeńde onyń qasıetterin ózgertýge múmkindik beredi.
Medısınada EDTA radıoaktıvti metaldardy aǵzadan shyǵarý, qandy saqtaý jáne taǵy basqalar úshin qoldanylady.
Vaksınalarda EDTA vaksınanyń negizgi belsendi komponenti bolyp tabylatyn adenovırýstyq vektorǵa bekitilgen SARS-CoV-2 koronavırýs aqýyzyn saqtaý úshin qoldanylady.
EDTA-nyń ýyttylyǵy tómen jáne medısına men jeńil ónerkásipte qoldanylatyn shaǵyn dozalarda adamǵa eshqandaı áser etpeıtini ǵylymı dáleldengen. Sondaı-aq, EDTA terige áser etkende nemese ishkende bronhıt belgilerin týdyratynyna ǵylymı dálelder joq.
Olaı bolsa, taralǵan habarlama jalǵan. COVID-19 qarsy vaksınalarda bronhıt týdyratyn zattar joq. Preparatty óndirýshiler óz ónimin jasaý kezinde adamdardy ýlaýdy kózdemegen.