Memleket basshysy jıynda «C5 + Germanıa» dıalogy týraly bastama elder arasyndaǵy yntymaqtastyqqa tyń serpin beretinin atap ótti.
Qasym-Jomart Toqaev aımaq memleketteri kóshbasshylarynyń birlesken kúsh-jigerin jumyldyrýǵa bolatyn yqpaldastyqtyń basym baǵyttaryn usyndy. Prezıdent, eń aldymen, saýda-ekonomıkalyq qarym-qatynas, jańa kólik-tranzıt dálizderin damytý, energetıka salasyndaǵy kooperasıa máselelerine nazar aýdardy, dep habarlaıdy almaty-akshamy.kz.
Kezdesý barysynda klımattyń ózgerýine jáne sý tapshylyǵy problemasyna basa mán berildi. Jıynǵa qatysýshylar muzdyqtardyń erýine jáne Ortalyq Azıadaǵy ekologıalyq ahýaldyń ózgerýine baılanysty máselelerdi talqylady. Qazaqstan Prezıdentiniń pikirinshe, Germanıanyń atalǵan problemalardy sheshýdegi tájirıbesi aımaq úshin asa mańyzdy.
Memleketter basshylary Ortalyq Azıa óńiri men Eýropa Odaǵy tóńiregindegi geosaıası jaǵdaıǵa qatysty máselelerdi de qozǵady. Sonymen qatar Aýǵanstandaǵy qazirgi jaǵdaı qarastyryldy.