Almaty qalasy Jumyspen qamtý jáne áleýmettik baǵdarlamalar basqarmasynyń málimetinshe, kórsetkishter jumyssyzdyq deńgeıiniń tómendegenin kórsetedi - ótken jyly bul kórsetkish 5% -dy qurady.
ÓKQ brıfıńine qatysqan basqarma basshysy Baýyrjan Jaýbasov halyqty jumyspen qamtý máselesi mańyzdy máselelerdiń biri bolyp qala beretinin atap ótti.
Máselen, eńbek mobıldiligi ortalyǵynda jumys izdep júrgen adamdardy jumysqa ornalastyrýǵa kómek kórsetiledi, dep habarlaıdy Almaty-akshamy.kz.
«QR Áleýmettik kodeksine sáıkes eńbek mobıldiligi ortalyǵyna júgingen adamdarǵa jumysqa ornalasýǵa járdem kórsetiledi, onyń ishinde Jumyspen qamtýdyń belsendi sharalaryna – áleýmettik jumys oryndaryna, qoǵamdyq jumystarǵa, jastar praktıkasyna, «Birinshi jumys orny», «Urpaqtar kelisimsharty», «Kúmis jas» jobalaryna joldama, qysqa merzimdi jumysqa joldama kásiptik oqytý, sondaı-aq 2021-2025 jyldarǵa arnalǵan kásipkerlikti damytýdyń ulttyq jobasy sheńberinde jańa bıznes - ıdeıalardy iske asyrýǵa 400 AEK mólsherinde óteýsiz memlekettik granttar beriledi», - dedi ol.
Menshiktiń barlyq nysandaryndaǵy kásiporyndar men uıymdarda jumysqa ornalastyrýdyń mynadaı túrleri uıymdastyrylady:
- qoǵamdyq jumys - arnaıy daıyndyqty qajet etpeıdi, eńbekaqy mólsheri 30 AEK (103,5 myń teńge) quraıdy.
- áleýmettik jumys oryndaryn memleket jumys berýshiniń belgilengen jalaqysynyń 35% mólsherinde sýbsıdıalaıdy (biraq 20 AEK – ten aspaıdy-69 myń teńge.). Áleýmettik jumys oryndarynda jumys isteıtin múgedektigi bar adamdarǵa jalaqynyń 80% nemese 91 890 teńge mólsherinde sýbsıdıalaý belgilendi.
- jastar tájirıbesi 40 AEK (138 myń teńge) eńbekaqy tóleı otyryp, 35 jastan aspaǵan JOO jáne kolej túlekterine arnalǵan.
- «Birinshi jumys orny» jobalary (eńbekaqysy 30 AEK – 103,5 myń teńge.), «Urpaqtar kelisimsharty» (eńbekaqysy 30 AEK – 103,5 myń teńge.) joǵary oqý oryndary men kolejderdiń túlekteri úshin qajetti eńbek daǵdylaryn ıgerý jáne birinshi jumys ornynda beıimdelý kózdelgen. «Urpaqtar kelisimsharty» jobasy boıynsha jumysqa ornalasqan adamǵa zeınetke shyǵýyna keminde 6 aı qalǵan zeınet jasyndaǵy tálimger bekitiledi, bul rette joba boıynsha qatysý kezeńi eńbek ótili retinde esepteledi.
«Kúmis jas» jobasy zeınetkerlik jasqa deıingi adamdarǵa arnalǵan - 50 jastan asqan jumyssyzdar jumys oryndaryna jiberiledi, onda osy sanat úshin memleket alǵashqy 12 aıda – jalaqynyń 70%; budan ári 13 aıdan 24 aıǵa deıin – 65% - 6; 25 aıdan 36 aıǵa deıin-jalaqynyń 60% tólenedi, biraq 30 AEK-ten aspaıdy.
Jyl basynan beri ýaqytsha jumys oryndaryna 13 myń adam, turaqty jumysqa – 9 myń adam ornalastyryldy.
Bos jumys oryndarynyń tizimimen «Elektrondyq eńbek bırjasy» portalynda tanysýǵa bolady (www.enbek.kz), ol jerde jumyspen qamtý salasynda memlekettik qyzmetterdi onlaın-rásimdeýge de bolady.