Mundaı málimetti búgin ótken Úkimet otyrysynda Densaýlyq saqtaý mınıstri Alekseı Soı taratty.
Mınıstrdiń aıtýynsha, ótken aptada vaksınasıalanǵandardyń sany 1,6 esege, ıaǵnı 254 myńnan 405 myńǵa deıin ósti, dep habarlaıdy Almaty-akshamy.kz.
«Halyqty vaksınalaý jalǵasýda, shamamen 5,2 mln doza vaksına paıdalanyldy, onyń ishinde 1-komponentpen 3 246 795 adam nemese tıisti halyqtyń 32,8% egildi. Ekinshi komponentpen 1 954 372 adam qamtyldy», - dedi Alekseı Soı.
Onyń aıtýynsha, búgingi kúni egý pýnktterinde vaksına dozalarynyń sany jetkilikti: birinshi komponenttiń shamamen 800 myń dozasy jáne ekinshi komponenttiń 1,4 mln dozasy bar. Vaksınalardy aımaqtarǵa jetkizý jalǵasýda.
Vaksınalaýdyń tıimdiligine júrgizilgen taldaýǵa sáıkes, elimizde sáýir-maýsym aılarynda ekpe alǵan adamdar sanynyń 1,3 mln.-nan 3,2 mln. adamǵa deıin ósýi, birinshi dozamen vaksına alǵan adamdar arasynda aýrýshańdyqtyń 2 esege tómendegeni baıqalady (sáýir aıyndaǵy 78 myńnan maýsym aıynda 33 myńǵa deıin).
«Osyǵan baılanysty, "delta" shtamynyń paıda bolýyn jáne atalǵan shtamǵa qarsy vaksınalardyń tıimdiligin zertteýdi eskere otyryp, vaksınalaýdyń eldegi epıdemıologıalyq jaǵdaıǵa oń áserin tıgizetinin atap ótken jón», - dep túıindedi QR Densaýlyq saqtaý mınıstrliginiń basshysy.
Epıdemıologıalyq ahýaldyń nasharlaýy boıynsha 26 maýsymnan bastap Qazaqstan Respýblıkasy qyzyl aımaqta, onyń ishinde 5 óńir: Nur-Sultan, Almaty qalalary, Batys Qazaqstan, Atyraý jáne Qaraǵandy oblystary bar, dep habarlady búgin Úkimet otyrysynda QR Densaýlyq saqtaý mınıstri Alekseı Soı.
«Sońǵy aptada koronovırýstyq ınfeksıamen syrqattanýshylyq 39%-ǵa óskeni baıqalady. Respýblıka boıynsha 29 maýsymdaǵy juqpaly aýrýlar tósegi – 27% (7 125 tósek), reanımasıa tósegi – 24% (589 tósek)», - dedi Alekseı Soı.
Nur-Sultan jáne Almaty qalalarynda epıdemıologıalyq jaǵdaıdyń nasharlaýyna baılanysty halyq kóp jınalatyn obektilerdiń qyzmetin shekteýge baǵyttalǵan qosymsha sharalar engizildi.