Jazda jumyrtqalar birshama arzandady, biraq ótken jylmen salystyrǵanda, bul áli de 30%-ǵa qymbat
Kúzge qaraı óndirýshiler baǵanyń jańa ósýin boljaıdy. Qazirgi ýaqytta óndiris kólemi qysqarýda,dep habarlaıdy Almaty-akshamy.kz Energyprom.kz saıtyna silteme jasap.
2021 jyldyń qańtar-mamyr aılarynda elimizde 1,8 mlrd taýyq jumyrtqasy alyndy, bul bir jyl burynǵyǵa qaraǵanda 13,4%-ǵa az. Onyń ishinde aýyl sharýashylyǵy kásiporyndary 1,4 mlrd jumyrtqa, halyq sharýashylyqtary 430,4 mln jumyrtqa, jeke kásipkerler men sharýa jáne fermer qojalyqtary 10,4 mln jumyrtqa óndirdi.
Óńirler boıynsha eń kóp jumyrtqa - 310,8 mln dana Aqmola oblysynda alyndy. Almaty jáne Qaraǵandy oblystary kósh bastap tur.
Ótken jylǵy teris trend bıylǵy jyly quldyraýdy jalǵastyrýda. Jalpy, 2020 jyldyń qańtar–jeltoqsan aılarynda el fermerleri 5 mlrd jumyrtqa aldy, bul bir jyl burynǵyǵa qaraǵanda 8,4%-ǵa az.
2021 jylǵy qańtar–sáýir qorytyndylary boıynsha, jergilikti kompanıalar jumyrtqaǵa suranysty (ishki naryqta ótkizý plús eksport) bir jyl burynǵy 97,6%-ǵa qarsy 93,6%-ǵa qamtamasyz etti.
Import úlesi tıisinshe 6,4% qurady. Import birden jylyna 2,4 ese, 95,8 mln jumyrtqaǵa deıin ósti.
Resýrstardan eksport úlesi, kerisinshe, ótken jylǵy 3,3%-dan aǵymdaǵy jyly 0,1%-ǵa deıin azaıdy. Jumyrtqa eksporty birden jylyna 45,6 ese, bar-joǵy 1,2 mln jumyrtqaǵa deıin qysqardy.
İshki naryqta satý 8,5%-ǵa, 1,5 mlrd danaǵa deıin tómendedi.
2021 jylǵy mamyrdyń qorytyndysy boıynsha, jumyrtqanyń bólshek saýdadaǵy baǵasy jyldyq serpinde 30,2%-ǵa ósti, biraq sonymen birge bir aıda, kerisinshe, 2,8%-ǵa, bir ondyqtyń baǵasy 403 teńgege deıin tómendedi.
Elimizdiń iri qalalarynyń arasynda eń qymbat jumyrtqa Almatyda (ondyǵy - 497 tg), eń arzan jumyrtqa — Aqtóbede (ondyǵy - 315 tg) boldy.
Eń kóp jyldyq ósim Soltústik Qazaqstan (38,2%-ǵa), Jambyl (37,8%-ǵa) jáne Batys Qazaqstan (36,9%-ǵa) oblystarynda tirkeldi.
Sonymen qatar, jazda, Habar24 arnasynyń málimetterine sáıkes, bir aıda Qazaqstanda taýyq jumyrtqasy 6%-ǵa arzandady. Olarǵa suranys tómendedi, óıtkeni jazda halyqtyń kóp bóligi balǵyn kókónisterdi kóp tutynady. Osyǵan baılanysty óndirýshiler taýarlardy ózindik qunynan tómen baǵamen satýǵa májbúr, óıtkeni jumyrtqalardyń jaramdylyq merzimi úsh aptadan aspaıdy. Qazir qus fabrıkasy jumyrtqanyń bir danasyn 30 teńgeniń ornyna 19 teńgeden shyǵarady.
Taýyq jumyrtqasynyń qunynyń tómendeýi jazdyń sońyna deıin jalǵasady deıdi kásipkerler. Qyrkúıek aıynda áleýmettik mańyzy bar ónim burynǵy qymbattaǵan baǵasyna kóteriledi, tipti odan da qymbat bolýy múmkin. Óndirýshiler bir jumyrtqany 30 emes, 40 teńgege bosata bastaıdy. Osylaısha, qus fabrıkalary shyǵyndardy óteýge nıetti.
