Almatynyń Indýstrıaldy aımaǵyndaǵy zaýyttarda jumysshylarǵa vaksınany mobıldi brıgadalar saldy
Almatynyń bas sanıtarlyq dárigeri Jandarbek Bekshınniń aıtýynsha, megapolıstiń "qyzyl" aımaqqa ótýi koronavırýstyń, onyń ishinde jańa "delta" shtamynyń ósýine baılanysty. KVI-di juqtyrmaýdyń jalǵyz joly - ekpe alý. Jaqynda qurǵaq qurylys qospalaryna arnalǵan qaǵaz shyǵaratyn "Almapaq" zaýytynyń barlyq jumysshylary ekpe aldy jáne shekteýlerge qaramastan tolyqqandy jumys isteýde.
Almatynyń Indýstrıaldy aımaǵyna ornalasqan kásiporyndardyń shaqyrýymen mobıldi ekpe brıgadalary osyndaǵy jumysshylardy vaksınalady.
"Almapaq" JSHS-de vaksına saldyrýǵa 30 adam jazyldy, olardyń barlyǵy - zaýyttyń jumysshylary. Olar vaksınanyń eki komponentin aldy, ózderin jaqsy sezinedi, janama áserlerdi sezingen joq.
"Biz Eýropadan aldyrǵan sapaly qaǵazdy paıdalanyp sómke shyǵaramyz. Óndiristi toqtatýǵa bolmaıdy, óıtkeni bizdiń ónim Ózbekstan men Qyrǵyzstanǵa da qajet. Sonymen qatar bizdiń barlyq qyzmetkerlerimizdiń otbasy bar, sondyqtan olar vaksınaǵa sanaly túrde keldi. Bul - aldymen densaýlyqty saqtaý. Men sáýir aıynda vaksına aldym, keıinirek jumysshylarǵa usyndym. "Darhan" shaǵyn aýdanyndaǵy emhanaǵa ótinim berip, medısınalyq brıgada kelip, jigitterge ekpe saldy", – dedi Aıdar Qasenov.
"Almapaq" - Almaty ındýstrıaldy aımaǵyndaǵy jumysshylar brıgadasy vaksına alǵan alǵashqy ónerkásiptik kásiporyn emes. Sáýir aıynda "Almaty elektr qalqany", "Húndaı Trans", "KSM Tehnovıd" pen "Maslo-del "zaýyttary ujymdarynyń jappaı vaksınasy ótti.
Eske salsaq, 29 maýsymdaǵy jaǵdaı boıynsha Almatyda 438 930 adam vaksına aldy. Ótken táýlikte 10 398 adam ekpe aldy. 60 jastan joǵary vaksına alǵan adam sany 74 656 adamdy quraıdy.
Qalada medısınalyq uıymdarda, mektepterde, mádenıet, sport nysandarynda, bazar men qalanyń SOSO-da 208 vaksına pýnktteri jumys isteıdi (250-ge deıin ulǵaıtý múmkindigimen). 1 256 adam jumyldyrylǵan 307 ekpe brıgadasy qyzmet atqarady.