"Aýyz bekitken adamǵa vaksına alýǵa bola ma?" - degen saýalǵa din ókili jaýap berdi.
Qazaqstan musylmandary dinı basqarmasy tóraǵasynyń orynbasary, naıb múftı Ershat qajy Ońǵar oraza ustaǵan adamǵa vaksına saldyrýǵa qatysty suraqqa jaýap berdi, dep habarlaıdy Almaty-akshamy.kz
«Ekpe saldyrýǵa bolatyn, bolmaıtyny onyń quramyna baılanysty. Ekpeniń quramynda qorektik zat bolmaý kerek. Iaǵnı densaýlyq jaǵdaıynda em úshin alatyn vaksınany alýǵa ruqsat. Demek, vaksına saldyrý orazany buzbaıdy», - dep qysqa jaýap qaıtardy naıb múftı Ershat qajy Ońǵar Ortalyq komýnıkasıalar qyzmetinde onlaın ótken baspasóz máslıhatynda.
Odan bólek, tóraǵa orynbasary pitir sadaqa berýge qatysty pikir bildirdi.
«Bıyl pitir sadaqa 500 teńge bolyp belgilendi. Onyń quny 2 keli unnyń naryqtaǵy baǵasymen teńestirildi. Elimizdiń barlyq óńirleri boıynsha unnyń baǵasy suralyp, anyqtaldy. Pitir sadaqa berýge kelsek, ony oraza bastalǵan kúnnen bastap, 30 kúnniń ishinde ótegen jón. Iaǵnı aıt merekesine deıin, oraza kúnderi bergen abzal», - deıdi ol.