Kúdikti 8 jasar qyzdyń qulaǵyndaǵy syrǵasyn sheship alǵan.
Bul qylmys týraly polısıaǵa qyzdyń anasy habarlaǵan. Áıeldiń aıtýynsha, qaladaǵy dárihanalardyń birinde belgisiz er adam onyń kishkentaı qyzynyń qulaǵyndaǵy syrǵasyn sheship alǵan, dep habarlaıdy Almaty-akshamy.kz Polisia.kz-ke silteme jasap.
«Bótenniń múlkin ashyq túrde urlaý deregi beınebaqylaý kameralaryna túsip qalǵan. Beınejazbada qaskóıdiń balanyń qulaǵynan syrǵasyn qalaı alyp jatqany kórsetilgen. Eń aldymen, belgiler boıynsha kúdiktiniń jeke sulbasy qurastyryldy. Jedel izdestirý is-sharalaryn júrgizý barysynda bizdiń bólimsheniń qyzmetkerleri sol kúni 49 jastaǵy K.esimdi qala turǵynyn ustady. Kúdikti qylmys jasaǵanyn moıyndady. Qazirgi ýaqytta onyń jeke basynyń buryn jasalǵan basqa da qylmystarǵa qatysynyń bar-joǵy tekserilýde. Atalǵan derek boıynsha QR QK-niń 191-baby 1-bóligi boıynsha qylmystyq is qozǵalyp jatyr», – dedi Áýezov aýdandyq PB janyndaǵy polısıa bóliminiń bastyǵy Elnur Qudretbaev.