«Jolaýshylar tasymaly» aksıonerlik qoǵamynyń bas dırektory Jánibek Taıjanov aldaǵy úsh jylda jolaýshylar poıyzdarynyń bári beınekameramen jabdyqtalatynyn aıtty, dep habarlaıdy Almaty-akshamy.kz QazAqparatqa silteme jasap.
«Jolaýshylar tasymalynyń qaýipsizdigin nyǵaıtyp, shtattan tys jaıttardy azaıtý úshin kompanıa beınebaqylaý júıesin kezeń-kezeńimen engizip jatyr. Qazir kóliktegi polısıa departamentimen birge Jol kartasyna qol qoıylǵan. Birlesken joba aıasynda birinshi kezeńde meıramhana-vagondarda beınebaqylaý kameralary ornatylǵan edi. 25 marshrýttaǵy poıyzdarǵa 146 dana kamera ornatyldy. 2022 jyldyń qarashasy men 2023 naýryzy aralyǵynda pılottyq joba aıasynda standartty vagondar men «Talgo» poıyzdarynda da kameralar ornatyp bastadyq», - dedi ol.
Kompanıa basshysy bul ilki jaqsy nátıje bergenin aıtyp otyr.
«Qazir tehnıkalyq negizdeme ázirlep jatyrmyz. Bıyl bastap, úsh jyldyń ishinde búkil poıyzdardy beınekameramen jabdyqtaýdy josparlap otyrmyz», - dedi Jánibek Taıjanov.