Azamat Jyltyrkózov halyqaralyq baıqaýdyń jeńimpazy atandy.
Belgili opera ánshisi, Qazaqstannyń Eńbek sińirgen qaıratkeri, halyqaralyq baıqaýlardyń laýreaty, Roza Baǵlanova atyndaǵy «Qazaqkonsert» memlekettik konserttik uıymynyń «Klasıkalyq óner» bóliminiń kórkemdik jetekshisi, «Astana Opera» memlekettik opera jáne balet teatrynyń solısi Azamat Jyltyrkózov klasıkalyq óner salasyndaǵy «BraVo» halyqaralyq kásibı mýzykalyq baıqaýdyń laýreaty atandy, dep habarlaıdy Almaty-akshamy.kz Egemen.kz-ke silteme jasap.
Jeńimpazdardy marapattaý rásimi álemge tanymal jáne aldyńǵy qatarly mýzykaly mádenıettiń eń iri oshaǵy Reseıdiń Úlken teatry sahnasynda ótti.
Mádenıet jáne sport mınıstrliginiń qoldaýymen Azamat Qaıratuly Máskeý qalasynda ótken halyqaralyq baıqaýda klasıkalyq óner janry nomınasıasy boıynsha úzdikter qataryna qosyldy. Qazylar alqasynyń joǵary baǵasyna ıe bolǵan óner ıesi buǵan deıin de birneshe ret respýblıkalyq jáne halyqaralyq baıqaýlarda júldeli oryndarǵa ıe bolyp keledi.
«Bravo» halyqaralyq kásibı mýzykalyq syılyǵy Reseı Federasıasynyń Mádenıet mınıstrliginiń aqparattyq qoldaýymen jyl saıyn ótedi