Búginde sporttyq jarystarǵa barlyǵy 89 elden 2430 qatysýshy tirkelgen. Onyń ishinde, jattyqtyrýshylar, sportshylar, mádenı jáne ǵylymı jobalarǵa qatysatyn adamdar kiredi. Bul týraly OKQ qyzmetiniń alańynda ótken baspasóz konferensıasynda 5-shi Dúnıejúzilik kóshpendiler oıyndaryn daıyndaý jáne ótkizý jónindegi dıreksıa basshysynyń orynbasary Abylaı Qondybaev málim etti, dep habarlaıdy aqshamnews.kz.
«Oıyndarda 21 sport túri boıynsha 97 medal jıyntyǵy sarapqa salynady. Medaldiń jalpy sany – 581 dana. 5-shi Dúnıejúzilik Kóshpendiler oıyndarynyń jalpy júlde qory – 250 mln teńge», - dedi spıker.
Ǵylymı baǵdarlamaǵa 12 elden 75 qatysýshy tirkelgen. Ǵylymı konferensıa 9 qyrkúıek kúni ótedi. Al etnoaýylda 100-den astam mádenı is-shara uıymdastyrylady.