QR Týrızm jáne sport mınıstrligi V Dúnıejúzilik kóshpendiler oıyndarynda búgin baq synaıtyn Qazaqstan komandalarynyń jarys kestesin jarıalady, dep habarlaıdy aqshamnews.kz.
9 qyrkúıek kókpardan 9 memlekettiń sportshylary ózara myqtyny anyqtaıdy. Bul sport túrinen barlyǵy 104 sportshy qatysady.
Kókpardan baq synaıtyn quramalar: Qazaqstan, AQSH, Reseı, Ózbekstan, Qyrǵyzstan, Vengrıa, Qytaı, Mońǵolıa jáne Túrkıa. Jarys «Qazanat» ıpodromynda ótedi.
Jarys «Qazanat» ıpodromynda ótedi.
«Arǵymaq» at-sport kesheninde dástúrli sadaq atýdan jarys bastalady. 33 memleketten 183 sportshy baq synaıdy. Qazaqstan quramasy sapynan 10 sportshy qatysady.
Jarys úsh túrli nysana negizinde ótkiziledi. Olar:
Pýta nysanasy 70/60 metr (9 oqtan 7 múmkindik);
Qalqan nysanasy 60/50 metr (7 oqtan 7 múmkindik);
Jamby nysanasy 30 metr (5 oqtan 5 múmkindik) jáne komandalyq jarys (30 metr).
Astana qalasynda ıpodrom mańyndaǵy etnoaýylda ótetin aýdaryspaqtan Kóshpendiler oıyndaryna 9 memleketten, 64 sportshy tirkeldi. Olar: Qazaqstan, Qyrǵyzstan, Ózbekstan, Mońǵolıa, Túrkıa, Vengrıa, Qytaı, AQSH jáne Reseı.
Qazaqstan namysyn Ermek Quralbaı, Almat Látipbek, Daryn Ótkelbaı, Esimhan Rahmatillá, Syrym İzbasarov jáne Birjan Qosalıev qorǵaıdy.
Saha halqynyń ulttyq sporty mas-restlıngten jarysqa 31 memleketten 98 sportshy qatysady. Atalǵan sport túrine Qazaqstan ulttyq quramasy atynan 8 sportshy synǵa túsedi.
Olar – Temirlan Shamet, Asylmurat Birimjan, Vladıslav Gerasımov, Berdiqul Altaı, Erkebulan Erlan, Jansaıa Rahmetýllaeva, Tahmına Gojamberdıeva jáne Olga Dýshaeva. Mas-restlıng sportynan báseke eki kún bolady.
Asyq atýdan synǵa túsetin sportshylar da jerebe tartyp, qarsylastaryn anyqtady. Olar «Alaý» muz aıdyny saraıynda básekege túsedi. Asyq atýdan 12 memleketten kelgen 39 sportshy ózara myqtyny anyqtaıdy.
Asyq atýdan el namysyn 8 asyq atýshy qorǵaıdy. Olar – Nýrkıssa Moljıgıtov, Jomart Nýrlanov, Kerim Jazdyqbaı, Amandos Aıtkulov, Perızat Elemes, Kamıla Danıarova, Sanıa Ásker jáne Kógershin Dýman.
Fınaldyq oıyndar 11 qyrkúıekte ótedi.
«Alaý» muz aıdyny saraıynda ótetin kýrashqa 27 memleketten 106 sportshy qatysady. Atalǵan sport túrinen balýandar erler arasynda bes salmaqta, áıelder arasynda úsh salmaq dárjesinde beldesedi.
El namysyn 8 sportshy qorǵaıdy. Olar – Ernur Súleımen, Aıbek Qazaqbaev, Nurdin Shaımerden, Bekadıl Shaımerdenov, Marat Baıkamýrov, Altynaı Nurhanova, Ajar Salyqova jáne Albına Bahıeva.
Qazaq kúresi Jaqsylyq Úshkempirov atyndaǵy Jekpe-jek saraıynda ótedi. Kóshpendiler oıyndaryna qazaq kúresinen 41 memleketten 274 sportshy qatysady. Atalmysh sport túrinen erler men áıelderdiń árqaısy 8 salmaq dárejesinde synǵa túsedi.