El Prezıdenti qoıǵan tapsyrmanyń oryndalýy aıasynda QR Kólik mınıstri Marat Qarabaev óńirlerge jumys saparymen shyqty.
Oblysaralyq jáne aýdanaralyq 10 myń shaqyrym jol orta jóndeýden ótýi tıis. Dál osy baǵyttaǵy joldarmen halyq jıi qatynaıdy.
Mınıstrdiń Mańǵystaý, Atyraý, Batys Qazaqstan, Aqtóbe, Qostanaı, Soltústik Qazaqstan jáne Aqmola oblysy baǵytyndaǵy jumys sapary bastaldy, dep habarlaıdy aqshamnews.kz sala mınıstrligine silteme jasap.
Alǵashqy marshrýt Aqtaýdan Atyraýǵa deıin. “Aqtaý-Jetibaı-SHetpe” aralyǵyndaǵy ortasha qaıta jóndeý jumystary júrgizilip jatqan joldyń jaı-kúıi tekserildi. Aǵymdaǵy jyly respýblıkalyq mańyzy bar A-33 "Dossor-Beıneý-Saıtes-SHetpe-Jetibaı-Aqtaý" avtomobıl jolyn jalpy uzyndyǵy 60 shaqyrymdy quraıtyn 632-662 shq jáne 662-692 shq ýchaskelerinde ortasha jóndeý jumystary bastaldy.
Bul eki ýchaske aımaqtyń Mańǵystaý aýdanynda ornalasqan. Kúre jol ýchaskeleri II tehnıkalyq sanatqa jatady. Ortasha jóndeý jumystary aıasynda jol jabyny jańartylady. Merdiger uıym ortasha jóndeý jumystaryn tolyq aıaqtaǵan soń 2 jyl boıy eki ýchaskeniń buzylmaýyna kepildik beredi. Kúre joldyń jaǵdaıyn jaqsartý mańyzdy. Sebebi bul jol Mańǵystaý óńirin elimizdiń basqa óńirlerimen baılanystyryp tur.
İssapar aıasynda joǵaryda atalǵan óńirlerdiń halqymen kezdesý jáne azamattardy jeke qabyldaý uıymdastyrylady. Ózge de aımaqtardyń jol jaǵdaıymen tanysyp, mınıstrlikke qarasty nysandar tekseriledi. Atqarylýy tıis jumystar negizge alynady.