Ýtılızasıalyq alymǵa qatysty petısıany qaraý jónindegi qoǵamdyq tyńdaý qashan ótetini belgili boldy, dep habarlaıdy almaty-akshamy.kz.
Ónerkásip jáne qurylys mınıstrliginiń habarlaýynsha, qoǵamdyq tyńdaý Almaty qalasyndaǵy «Hyundai Trans Kazakhstan» JSHS zaýytynda 15 shildede saǵat 11.00-de ótedi.
Sondaı-aq, mınıstrliktiń áleýmettik jelidegi paraqshasynda jáne birqatar aqparat agenttik arqyly tikeleı efır uıymdastyrylady.
Buǵan deıin ýtılalymǵa qatysty 50 myń adam qol qoıǵan petısıa qaraýǵa alyndy. Jumys tobynyń quramyna Parlament depýtattary, Ónerkásip jáne qurylys, Ekologıa jáne tabıǵı resýrstar, Qarjy, Aýyl sharýashylyǵy, Sıfrlyq damý, ınovasıalar jáne aeroǵarysh ónerkásibi, Mádenıet jáne aqparat vıse-mınıstrleri, Syrtqy ister mınıstriniń orynbasary, basqa da múddeli memlekettik organdardyń ókilderi endi.
Sondaı-aq top quramyna petısıa bastamashylary, ıaǵnı birqatar qoǵamdyq birlestik, sarapshylyq qoǵamdastyq jáne ónerkásip sektorynyń ókilderi de kirgen.