Búgin Memleket basshysy "Qazaqstan Respýblıkasynyń keıbir zańnamalyq aktilerine minis jáne minis-jegin jylqylardyń otandyq tuqymdaryn saqtaý jáne ósimin molaıtý máseleleri boıynsha ózgerister men tolyqtyrý engizý týraly" QR Zańyna qol qoıdy, dep habarlaıdy Almaty-akshamy.kz
Qujat minis jáne minis-jegin baǵyttaryndaǵy jylqylardyń otandyq tuqymynyń ósimin molaıtý, sondaı-aq onyń qasıetterin saqtaı otyryp, mal basyn ulǵaıtýǵa jáne osy baǵytta asyldandyrý jumystaryn júrgizýge baǵyttalǵan.
Sonymen qatar zańnyń bastapqy bóligindegi "asyl tuqymdy mal" jáne "tuqym standarty" uǵymdaryna túzetýler engiziledi. Osylaısha, tuqym standartyna sáıkes keletin jáne Respýblıkalyq palatada tirkelgen taza tuqymdy janýarlar ǵana asyl tuqymdy janýarǵa jatatyn bolady. Fenotıptik jáne ónimdi kórsetkishke qoıylatyn mınımaldy talaptar ǵana emes, sonymen qatar basqa kórsetkishter de qamtylatyn "tuqym standarty" uǵymdary naqtylanady.
Zańda asyl tuqymdy jylqylardy ósirýdi yntalandyrý maqsatynda Qazaqstan aýmaǵynda ósirilgen minis jáne minis-jegin baǵyttaryndaǵy jylqylardyń otandyq tuqymdaryn saqtaý jáne ósimin molaıtý maqsatynda jumsalǵan shyǵyndardy óteý kózdeldi.
Qoryta aıtqanda, zańnyń qabyldanýy elimizdegi asyl tuqymdy otandyq jylqylardyń saqtalýyna jáne olardyń kóbeıýine yqpal etedi.