QR Ekologıa, geologıa jáne tabıǵı resýrstar mınıstrligi kádege jaratý alymynyń jańa stavkasy boıynsha «Jasyl damý» AQ-men konsýltasıa ótkizdi, dep habarlaıdy Almaty-akshamy.kz Inform.kz-ke silteme jasap.
Mınıstrdiń mindetin atqarýshy 29 sáýirde arnaıy buıryq shyǵaryp, kádege jaratý tóleminiń stavkasyn 50%-ǵa tómendetken bolatyn.
Bul buıryq bıylǵy 14 mamyrdan bastap kúshine endi.
«14 mamyrdan keıin burynǵy mólsherleme boıynsha ýtılalym tólegen jaǵdaıda «Jasyl damý» AQ qaıta esepteý júrgizedi jáne Qazaqstannyń qoldanystaǵy zańnamasyna sáıkes artyq tólengen somany qaıtarady. Dáıeksiz aqparatqa senbeı, kúmándi hattarǵa jaýap bermeýińizdi, tek resmı derekkóz aqparatyna nazar aýdarýyńyzdy suraımyz» dep málim etti mınıstrlik.