Túrkistanda premera ótti. Teatr óneriniń týyndysyn tamashalaýǵa elimizdiń túkpir-túkpirinen óner jáne mádenıet maıtalmandary, zıaly qaýym ókilderi jáne Túrkistan qalasynyń ónersúıer qaýymy qatysty, dep habarlaıdy Almaty-akshamy.kz Inform.kz-ke silteme jasap.
«Qorqyt týraly ańyz» plasıkalyq spektaklinde Qorqyt alyp qaraǵashtan oıyp qobyz jasaıdy. Álemdi qobyz únimen áldılegen babamyz, kórgen túsinen shoshyp, ólimnen qashady. Jeruıyq mekendi izdeıdi. «Qaıda barsa da, Qorqyttyń kórine» kezigip, aqyry týǵan jerine - dúnıeniń kindigi sanalatyn Syr-Darıaǵa oralady.
Jazýshy-dramatýrg Ermek Amanshaevtyń lıbrettosy boıynsha qoıylǵan «Qorqyt týraly ańyz» atty plasıkalyq spektaklin belgili reseılik baletmeıster Konstantın Semenov sahnalady. Kompozıtory – daryndy jas kompozıtor Hamıt Shanǵalıev. Kórkemdik jetekshisi – Aınur Kópbasarova.
Qoıylymda keıipker sózi kóp emes, óıtkeni bul – plasıkalyq spektákl. Ózgeshe aıtqanda, artıser oqıǵany, qoıylym keıipkerleriniń ishki sezimderin bı qımyldary arqyly baıandaıdy. Budan bólek, plasıkalyq teatr - adamdar túrli tilde sóılesetin qoǵamǵa arnalǵan, al bı qımyldaryn aýdarmasyz túsinýge bolady.
Qoıylymdy tamashalaǵan Mádenıet jáne sport vıse-mınıstri Serik Jarasbaev, Túrkistan oblysynyń ákimi Ómirzaq Shókeev Túrkistandy túrki áleminiń mádenı jáne rýhanı ortalyǵyna aınaldyrý jolynda teatrdyń mańyzy zor ekenin aıtyp, óner ujymyna alǵys aıtty.