Budan bylaı kádege jaratý alymyn jınap, úılestirý «Jasyl damý» aksıonerlik qoǵamynyń quzyrynda bolady
Ekologıa, geologıa jáne tabıǵı resýrstar mınıstrliginiń baspasóz qyzmeti memlekettik retteýshiniń ýtıl alym mólsherin qalaı belgileıtini týraly túsindirme aqparat taratty, dep habarlaıdy Almaty-akshamy.kz
«2022 jylǵy 11 qańtarda Qazaqstan Respýblıkasy Parlamenti Májilisiniń otyrysynda sóılegen sózinde Memleket basshysy Qasym-Jomart Toqaev «ÓKM Operatory» JSHS-niń kádege jaratý alymyn júrgizý jáne kádege jaratý alymyna ıelik etýin toqtatý týraly tapsyrma berdi. Sonyń aıasynda 2022 jylǵy 18 qańtarda QR Úkimeti «QR Ekologıa, geologıa jáne tabıǵı resýrstar mınıstrligine vedimistik baǵynysty uıymdardyń keıbir máseleleri týraly» qaýly qabyldady. Osyǵan baılanysty óndirýshilerdiń (ımporttaýshylardyń) keńeıtilgen mindettemeleriniń operatory bolyp memlekettik uıym retinde «Jasyl damý» aksıonerlik qoǵamy aıqyndaldy. «ÓKM Operatory» JSHS-niń kádege jaratý alymyn ákimshilendirý jáne tıisti qarajattarǵa bılik etý bóligindegi qyzmeti toqtatyldy», - dep jazylǵan resmı túsindirmede.
Qazirgi tańda «ÓKM Operatory» JSHS-niń ıeliginde bolǵan aktıvterdi memleket menshigine qaıtarý úshin «Jasyl damý» AQ balansyna berý, aksıonerlik qoǵamdy ádilet organdarynda qaıta tirkeý sıaqty operasıalar iske asyrylyp jatyr.
«Jasyl damý» AQ – QR Ekologıa, geologıa jáne tabıǵı resýrstar mınıstrliginiń qaramaǵyndaǵy uıym. Kádege jaratý alymynyń koefısıentterin tómendetý máselesi boıynsha vedomstvoaralyq jumys toby quryldy. Bul mólsherlemeler aǵymdaǵy jyldyń aqpan aıynyń sońyna deıin qaralyp, bekitiletin bolady.
Joǵaryda kórsetilgen jumys tobynyń qyzmet nátıjeleri týraly aqparat mınıstrliktiń ınternet-resýrsynda jarıalanady. Vedomstvonyń baspasóz qyzmetine habarlasqanymyzda atalǵan jumys tobynyń quramy áli naqtylanbaǵanyn aıtty.
Bul jumys toby Indýstrıa jáne ınfraqurylymdyq damý mınıstrligimen birlese otyryp qurylmaq. Iaǵnı, jumys toby qurylmaı turyp, ýtıl alymnyń mólsheri týraly qandaı da da bir boljam aıtýǵa áli erte. Al oǵan deıin kádege jaratý alymy burynǵy mólsher boıynsha tólený kerek.
«Kórsetilgen ýaqytqa deıin kádege jaratý alymy «Jasyl Damý» AQ operatoryna qoldanystaǵy mólsherlemeler boıynsha tólenedi», - dep jazady mınıstrliktiń baspasóz qyzmeti.