Indýstrıa jáne ınfraqurylymdyq damý mınıstrligi 2021 jyly respýblıkanyń birqatar arnaıy ekonomıkalyq aımaqtary úshin qyzmet túrleriniń tizbesin keńeıtti.
Bul syrtqy ekonomıkalyq baılanystardy jandandyrý, ekonomıkany qoldaý jáne óńirlerdiń áleýmettik problemalaryn sheshý, arnaıy ekonomıkalyq aımaqtardyń (budan ári – AEA) jumysyna ınvestısıalar, tehnologıalar men qazirgi zamanǵy menedjmentti tartý úshin jasaldy, dep habarlaıdy Almaty-akshamy.kz QazAqparatqa silteme jasap
Ótken jyly «Aqtaý teńiz porty» arnaıy aımaǵynyń qyzmet túrleri keńeıtildi. Endi atalǵan AEA mynadaı jobalarmen aınalysa alady: jylý elektr stansıalarymen elektr energıasyn óndirý;
elektr energıasyn berý jáne taratý; turǵyn jáne turǵyn emes ǵımarattar qurylysy;
qonaq úıler jáne turýǵa arnalǵan oryndar qyzmetterin usyný; jeke nemese jalǵa alynǵan jyljymaıtyn múlikti jalǵa alý jáne basqarý;
demalys pen oıyn-saýyqty uıymdastyrý boıynsha qyzmetter.
Qarqyndy damyp kele jatqan aımaqtardyń biri - «Saryarqa» AEA. Onda daıyn metal buıymdary men qurylys materıaldary: sharly krandar, jylý oqshaýlaǵysh qubyrlar, otqa tózimdi materıaldar, jezden jasalǵan buıymdar, dirilge jáne otqa tózimdi buıymdar shyǵarylady.