Búgingi qoǵamda kórshi Qytaı elimen aradaǵy qarym-qatynas týraly san alýan pikirler bar.
Ásirese sońǵy vıza máselesi tóńireginde alyp qashpa áńgimelerdiń kóbeıgendigin aıtýymyz kerek. Desekte, vızasyz qatynas jasaýdyń paıdaly jaqtary barshylyq ekenin arnaıy mamandar aıtýda. Biz telejúrgizýshi Olga Spırınanyń pikirin bilgen edik.
-Osy kúnge deıin vızasyz kirý múmkindigi, meniń oıymsha ol jaqsy jańalyq. Qazaqstandyqtar Qytaıǵa jıi baryp turady. Emdelýge de barady. Jasaıtyn kásipkerler de bar. Sondyqtan bul biz úshin tıimdi. Biz tek qana utamyz dep oılaımyn. Onyń ústine keshe ǵana Qazaqstan Assambleıasynyń sesıasy ótti. Sol jerde memleket basshysy Qazaqstan tólqujatynyń qandaı bedelge ıe ekenin atap ótti. Vıza alýdyń ózi úlken problema ǵoı negizi. Óıtkeni qujattardy jınaısyń, tapsyrasyń, kútesiń. Al sol vızany saǵan bere me, bermeı me? Ol bólek bir másele. Odan keıin vızany alý úshin qosymsha qarajat jumsaýyń kerek. Qazir biz sol problemadan qutyldyq.
Týrıser ózderi bizdiń elge kelgen kezde ózderiniń aqshalaryn qaldyrady. Iaǵnı, týrızm salasyn damytyp, ekonomıkany kóterip, elimizdi baıytady. Sondyqtan, bul jerde kemshilikterdi kórip turǵan joqpyn. Kerisinshe artyqshylyqtardy baıqap otyrmyn,-dedi ol.