Aldaǵy halyqaralyq týrnır men "Dınamo" sport qoǵamynyń 100 jyldyǵy týraly Óńirlik komýnıkasıalar qyzmeti alańynda «Dınamo» DSHSQ QB tóraǵasynyń birinshi orynbasary, polısıa polkovnıgi Asqar Omarqulov pen qoǵammen baılanys jáne BAQ basqarmasynyń bastyǵy Gúlaım Haırýlla baıandady.
Jeńis kúni men ádilet general-maıory Rústem Qaıdarovty eske alýǵa arnalǵan sambo jáne jaýyngerlik sambodan halyqaralyq týrnır 5-7 mamyr aralyǵynda Almatyda ótedi. Oǵan Ózbekstan, Qyrǵyzstan jáne Tájikstan sportshylary qatysady.
"Týrnırdi QR İİM, “Generaldar keńesi" qoǵamdyq birlestigi jáne "Dınamo" dene shynyqtyrý-sport qoǵamynyń Ortalyq keńesi, sondaı - aq sambo jáne jaýyngerlik sambodan respýblıkalyq jáne Almaty qalalyq federasıasy uıymdastyrady", - dedi A.Omarqulov.
Sondaı-aq, ol bıylǵy jarystyń ereksheligi - týrnır nátıjesine boıynsha qatysýshylarǵa sport sheberi ataǵy beriletinin atap ótti.
Spıker mańyzdy oqıǵalar qatarynda “Dınamo" qoǵamynyń 2025 jyly ótetin 100 jyldyq mereıtoıyn da atap ótti. Búginniń ózinde-aq is-sharaǵa daıyndyq qarqyndy júrip jatyr.
"Dınamo" tarıhy, sózsiz, burynǵy keńestik jáne qazirgi Táýelsiz Qazaqstannyń tarıhymen baılanysty. Sondyqtan qoǵamnyń mereıtoıy bárimiz úshin este qalarlyq oqıǵa bolmaq", - dep atap ótti ol.
"Dınamo" qoǵamynda balalar sportyna erekshe kóńil bólinedi. Jyl saıyn mamyr-maýsym aılarynda "Dınamo - Qazaqstan balalaryna" aksıasy, búkil el boıynsha 10 myńnan astam balany qamtıtyn marafon ótkiziledi. Mysaly, 1400-den astam balanyń basyn qosqan Almaty marafony baǵdarlamasynda júgirý, "Kim jyldam" estafetasy, darts oıyny, kishi fýtbol, voleıbol, arqan tartý, saptyq daıyndyq jáne jekpe-jek boıynsha jarystar boldy. Osyndaı is-sharany bıyl da ótkizý josparlanýda.
"Dınamo" 6 myńnan astam balany biriktiredi, olar el boıynsha 180-ge jýyq seksıada jattyǵady, seksıalardyń 117-si tegin jumys isteıdi. Sonymen qatar, "Jas Dınamo" qozǵalysyna elimizdiń barlyq óńirlerinde 30 myńnan astam oqýshylar men stýdentter tartyldy.
"Dınamoda" 36 olımpıadalyq sport túrinen sheberlerdi daıyndap, ulttyq quramanyń shamamen 80% - qoǵam músheleri bolyp tabylady. Táýelsizdik jyldarynda qazaqstandyqtar jeńip alǵan 81 Olımpıada medaliniń 68-i dınamolyqtardyń qorjynynda, onyń ishinde 16 altyn, 19 kúmis jáne 37 qola júldeler. Tokıo olımpıadasynda jeńip alynǵan 8 medaldiń 7-si «Dınamo» ókilderine tıesili. Bıylǵy jyly «Dınamo» óz sportshylaryna Parıj Olımpıadasyna lısenzıa alýǵa degen kúreste úlken úmit artady.