Bul shara syrttan keletin týrıser aǵynyn arttyrýǵa septigin tıgizedi.
Olardyń qatarynda Avstrıa, Saýd Arabıasy, San-Marıno, Bahreın jáne t.b.elder bar, dep habarlaıdy Almaty-akshamy.kz.
Bul týraly Mádenıet jáne sport mınıstrliginiń baspasóz qyzmeti málim etti.
Sondaı-aq, Qazaqstanǵa elektrondy vıza alýǵa ótinish bere alatyn elderdiń tizimin keńeıtý, shaqyrý talabyn alyp tastaý máseleleri de qarastyrylýda.
Sonymen qatar, BAÁ rezıdentteri úshin jeńildetilgen vıza berý máselesi talqylanýda.
«Qazaqstan sheteldik saıahatshylar úshin qyzyqty jáne mınıstrlik elimizdiń týrısik áleýetin tolyǵymen ashý baǵytynda jumys jasaýda. Sonyń ishinde syrttan keletin týrıser aǵynyn arttyrý arqyly. Onyń ústine mınıstrlik qazirdiń ózinde kóshi-qondy baqylaýdy jetildirý tetikterin júzege asyrýda. Mysaly, eQonaq aqparattyq júıesi», - deıdi vedomstvonyń resmı ókili Móldir Ábdýalıeva.
Buǵan deıin Qazaqstan men Qytaıdyń vızasyz rejım engizýi múmkin ekeni habarlanǵan bolatyn. Elektrondy úkimet alańynda eki eldiń úkimetteri arasyndaǵy vızalyq talaptardan ózara bosatý týraly kelisimge qol qoıý týraly qaýly jarıalandy.
Esterińizge sala keteıik, elimizdiń azamattary 76 elge vızasyz bara alady
Qazaqstan 2023 jyly Henley & Partners Visa Restrictions Index tólqujattar reıtıńinde 70-oryn aldy. Otandyq tólqujattyń aǵymdaǵy halyqaralyq erejesi kórsetip otyrǵandaı, elimiz bıyl ótken jylmen salystyrǵanda reıtıńte 3 orynǵa joǵary kóterilgen.