Jarys jolyna shyǵady.

Ústel tenısinen Qazaqstan qurama komandasy Almatydaǵy Ortalyq Azıa irikteý týrnıriniń fınalyna shyǵyp, jasóspirimder arasyndaǵy Azıa chempıonatyna joldama aldy, dep habarlaıdy Almaty-akshamy.kz Olympic.kz silteme jasap.

İrikteý týrnırinde Iran, Qyrǵyzstan, Tájikstan, Túrikmenstan, Ózbekstan, Qazaqstan quramalary aldymen kishi toptarda, sodan keıin jartylaı fınalda synǵa tústi. Úzdik nátıjeni Iran men Qazaqstan komandalary kórsetti. Búgin bul eki komanda birinshi oryn úshin ózara oınaıdy.

Túrkimenstan men Ózbekstan quramalary qola júldeni sarapqa salady.

Qyzdar arasynda chempıon kýbogyna Qazaqstan men Ózbekstan quramalary talassa, 3 oryn úshin Iran men Qyrǵyzstan sportshylary baq synaıdy.

Osylaısha, qurlyqtyq jasóspirimder dodasynda bizdiń Ortalyq Azıa aımaǵynan Qazaqstan (uldar men qyzdar), Iran (uldar) jáne Ózbekstan (qyzdar) komandalary jarys jolyna shyǵady.

Esterińizge sala ketsek, irikteý týrnırinde bizdiń elimizdiń namysyn Alan Qurmanǵalıev, Eskendir Harkı, Sanjar Jubanov, Saǵantaı Qurmambaev, Sarvınoz Mırkadırova, Angelına Romanovskaıa, Ánel Baqyt, Alısa Svıgýn qorǵaýda.