Burshaq jaýýy múmkin.
«Qazgıdromet» mamandary aldaǵy kúnderge arnalǵan aýa raıy boljamyn jarıalady, dep habarlaıdy Almaty-akshamy.kz.
Mamandardyń boljamyna sáıkes, atmosferalyq frontaldy bólikter ótýine baılanysty respýblıkanyń barlyq aýmaǵynda aýa raıy turaqsyz bolady.
«Jańbyr jaýady. 5 maýsymda respýblıkanyń shyǵysy men ortalyǵynda naızaǵaı oınap, jel kúsheıip, burshaq jaýýy múmkin. Soǵan qaramastan, batysta 22-33 gradýs jyly, ońtústik-batysta 29-37 gradýs jyly, soltústik-batysta 15-25 gradýstan 20-33 gradýsqa deıin jyly bolady», - delingen habarlamada.
Elimizdiń soltústiginde, shyǵysynda jáne ortalyǵynda kúndiz termometr baǵany 15-26 gradýsqa deıin jyly, respýblıkanyń ońtústiginde 27-37 gradýsqa deıin jyly bolady, al Qazaqstannyń ońtústik-shyǵysynda temperatýra 22-32 gradýsqa deıin kóteriledi.