Týrnırge barlyǵy 120-dan astam sportshydan turatyn 41 komanda qatysty
Týrnır Astanadaǵy «Alaý» muz aıdyny saraıynda XIII Spartakıada aıasynda Qorǵanys mınıstrligi Ortalyq apparatynyń, Bas shtabtyń jáne Qazaqstan Qarýly Kúshteriniń qurylymdyq bólimsheleri arasynda ótti. Ony Qorǵanys mınıstrliginiń Ortalyq sport klýby uıymdastyryp otyr, dep habarlaıdy Almaty-akshamy.kz.
Týrnır barysynda Qorǵanys mınıstriniń orynbasary Darhan Ahmedıev pen bokstan Olımpıada chempıony Serik Sápıevtiń arasyndaǵy oıyn kórermen nazaryn aýdardy.
Jarystyń qurmetti qonaǵy Serik Sápıev Qorǵanys mınıstrliginiń sportty damytyp jatqanyna rızashylyǵyn jetkizdi.
Týrnırge barlyǵy 120-dan astam sportshydan turatyn 41 komanda qatysty. Mandattyq komısıanyń sheshimimen jarysqa qatysýǵa ótinish bergen komandalar eki topqa bólindi.
Birinshi toptaǵy chempıonat kýbogyn Qorǵanys mınıstrliginiń Tárbıe jáne ıdeologıalyq jumystar departamentiniń komandasy, ekinshi oryndy Memlekettik áskerı-tarıhı murajaı, úshinshi oryndy Zań departamenti jeńip aldy. Ekinshi topta Ulttyq qorǵanys ýnıversıtetiniń komandasy jeńiske jetse, ekinshi oryndy elordalyq avıasıalyq baza qanjyǵalady. Júldeli úshinshi oryn Qarýly Kúshterdiń Ulttyq áskerı-patrıottyq ortalyǵynyń enshisinde.
Týrnır barysynda Zań departamentiniń ókili, Qarýly Kúshterdiń qyzmetkeri Bolat Nurmaǵanbetov pen Ulttyq qorǵanys ýnıversıtetiniń PhD doktory, podpolkovnık Amangúl Aldabergenova «Úzdik tehnıkasy úshin» nomınasıasyn jeńip aldy. Zań departamentiniń kishi serjanty Ardaqty Ahmetjanovanyń tabandylyǵy «Jeńiske degen erik-jigeri úshin» nomınasıasyn baǵyndyrdy. Bul marapatqa Áskerı ınfraqurylym bas basqarmasynyń komandasy da ıe boldy.
Chempıonat jeńimpazdary men júldegerleri kýboktarmen, medaldarmen jáne gramotalarmen marapattaldy.