Sońǵy bes jylda Qazaqstandaǵy ınvestısıalyq pıramıdalar boıynsha qylmystyq isterdiń statısıkasy ósken.
Bas prokýratýranyń Quqyqtyq statısıka jáne arnaıy esepke alý komıteti usynǵan derekterge qaraǵanda, 2022 jyldyń qańtar-qarasha aılarynda qarjy pıramıdasynan zardap shekkender alaıaqtarǵa 8,11 mlrd teńge bergen, dep habarlaıdy Almaty-akshamy.kz Egemen.kz-ke silteme jasap.
Ranking zertteýinde kórsetilgendeı, sońǵy bes jylda Qazaqstandaǵy ınvestısıalyq pıramıdalar boıynsha qylmystyq isterdiń statısıkasy ósken. 2019 jyly qarjy pıramıdalaryn jasaýshylarǵa qatysty qozǵalǵan qylmystyq isterdiń sany salystyrmaly túrde az bolǵan, al pandemıanyń birinshi jylynda ol birden jeti ese, ıaǵnı 24-ten 180-ge deıin ósti. 2020 jyly kelgen shyǵyn kólemi úsh esege, ıaǵnı 1,59 mlrd teńgeden 6,17 mlrd teńgege deıin ósti. Daǵdarys kezinde halyq devalvasıa men ınflásıaǵa urynyp qalmaýy úshin qarajattaryn ınvestısıalaý múmkindigin izdedi.
2021 jyly qarjylyq qylmystardyń sany birshama azaıdy (6,1% tómendedi), biraq keltirilgen zıan birneshe ese, ıaǵnı 33,34 mlrd teńgege deıin ósti.
2022 jyly mundaı sıpattaǵy qylmystar birshama azaıdy - qańtar-qarasha aılarynda 127 is tirkeldi. 2021 jyldyń sáıkes kezeńimen salystyrǵanda quqyqbuzýshylyqtar 24,8%-ǵa azaıǵan. Tıisinshe, zardap shekkender sany 1,2 myńnan 625 adamǵa deıin azaıdy.