Lańkestik jáne ekstremıstik qylmystar jasaǵany úshin 56 adam sottaldy
QR Ulttyq qaýipsizdik komıtetiniń tóraǵasy Ermek Saǵymbaev Memleket basshysymen kezdesýi barysynda elimizde úsh terrorlyq aktige daıyndyq kezeńinde tosqaýyl qoıylǵanyn málim etti, dep habarlaıdy Almaty-akshamy.kz.
Memleket basshysyna komıtettiń 2022 jyly atqarǵan jumystary týraly esep bergen Ermek Saǵymbaevtyń sózinshe, byltyr arnaýly qyzmetti reformalaý jáne onyń jumysyn jandandyrý jónindegi Prezıdent tapsyrmasy oryndaldy.
Atap aıtqanda, terorıstik qaterlerdi azaıtý úshin aldyn alý jumystary júrgizildi. Úsh terrorlyq aktige daıyndyq kezeńinde tosqaýyl qoıyldy. Kezekten tys prezıdenttik saılaý kezinde jappaı tártipsizdikti josparlaǵan radıkaldy top joıyldy.
«Lańkestik jáne ekstremıstik qylmystar jasaǵany úshin 56 adam sottaldy. Terorızm men dinı ekstremızmge qatysy bar 134 shetel azamatynyń elge kirý áreketiniń joly kesildi»,-dedi Ermek Saǵymbaev.
Osyǵan deıin Memleket basshysynyń Uttyq qaýipsizdik komıtetiniń tóraǵasy Ermek Saǵymbaevty qabyldaǵanyn jazdyq.