QR Premer-Mınıstri Álıhan Smaıylovtyń tóraǵalyǵymen ótken Prezıdent janyndaǵy sıfrlandyrýdy engizý máseleleri jónindegi komısıa otyrysynda ınternet sapasyn jaqsartý, baılanys ınfraqurylymyn jáne jańa sıfrlyq ónimderdi damytý josparlary talqylandy. Bul týraly Almaty-akshamy.kz Inform.kz-ke silteme jasap habarlaıdy.
Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın qalalar men aýyldardy joǵary jyldamdyqty ınternetke qosý, respýblıkalyq jáne birinshi dárejedegi oblystyq joldar boıynda talshyqty-optıkalyq baılanys jelilerin tartý/tóseý/montajdaý, sondaı-aq 5G jelilerin engizý boıynsha keń aýqymdy jumystar qarastyrylǵan 2023-2027 jyldarǵa arnalǵan «Qoljetimdi ınternet» ulttyq jobasyn ázirleý barysy týraly baıandady.
Sondaı-aq sıfrlyq damý, ınovasıalar jáne aeroǵarysh ónerkásibi mınıstri Memleket basshysynyń memlekettik apparattyń qyzmetin búrokratıadan aryltý jáne memlekettik statısıkany júrgizý men memlekettik qyzmetter kórsetýdiń dáldigin arttyrýǵa múmkindik beretin sıfrlyq statısıkalyq tirkelimderdi engizý jónindegi tapsyrmasy sheńberinde memlekettik organdardyń derekterin sıfrlandyrý barysy týraly aıtyp berdi.
Álıhan Smaıylov bir aı merzimde «Qoljetimdi ınternet» ulttyq jobasyn pysyqtap, ony basqa memlekettik organdarmen kelisýdi tapsyrdy, sondaı-aq derekter bazasyn jańǵyrtý kezinde aqparatty 100% qorǵaýdy qamtamasyz etý qajettigin atap ótti.