Almaty qalasy qylmystyq atqarý júıesi departamentine qarasty LA-155/6 mekemesinde kámelettik jasqa tolmaǵan jazasyn óteýshilerdi oqytyp, tárbıelep júrgen ustazdarǵa qurmet kórsetildi.
Saltanatty merekelik is-sharany mekeme bastyǵy, ádilet podpolkovnıgi Mıras Tolýbaev quttyqtaý sózimen ashyp, muǵalimniń qoǵamdaǵy orny týraly tarqatyp, sonyń ishinde aıaǵyn jaza basyp, isti bolǵan jazaly jasóspirimderdi oqytyp, tárbıelep kele jatqan áriptesteriniń eńbegin aıryqsha atap ótti.
Mekemede 11 ustaz qyzmet atqarady. Oqý-tárbıe isiniń meńgerýshisi Lúdmıla Vasılevna qazirgi ýaqytta 30 oqýshy mektepte oqyp jatqanyn, olarǵa bilim beretin ustazdardyń bilim salasynda uzaq jyldardan beri kele jatqan tájirbıeli muǵalimder ekenin atap ótti.
Mekemeniń tárbıe isi jónindegi orynbasary Gúlshat Nurjanova ustazdar ujymyn mekeme bastyǵynyń atynan quttyqtap, alǵys hattarmen marapattady.