1921 jyly 1 qazan kúni Ahmet Baıtursynulynyń bastamasymen Qazaq radıosy Orynbordan alǵashqy ret habar taratty.
Qazaqstan Prezıdentiniń buıryǵymen búgin alǵash ret Radıo kúni atalyp jatyr, dep habarlaıdy Almaty-akshamy.kz
Memleket basshysy Qasym-Jomart Toqaev jýrnalıserdiń kásibı merekesi qarsańynda Radıo qyzmetkerleri kúnin belgilep bergenin buryn jazǵanbyz.
Osydan týra bir ǵasyr buryn radıonyń tuńǵysh habary Orynbor qalasynan áýe tolqynyna shyqty. Sodan beri Qazaq radıosy ultymyzdyń únjarıasyna aınaldy. Búginde «Qazaq radıosy» radıoarnasynyń qatary «Shalqar», «Astana» jáne «Classic» radıosymen tolyqty. «Qazaq radıolary» JSHS quramyna tórt radıo birikken.
Orynbordan keıin Qazaq radıosy el astanasy bolǵan Qyzylordaǵa aýysyp, kóp uzamaı Almaty qalasyna kóshti, al 2012 jyldan bas keńsesi Nur-Sultan qalasynan habar taratyp keledi.
Radıonyń «Altyn qorynda» Ámire Qashaýbaev, Ahmet Jubanov, Sháken Aımanov, Ánýarbek Baıjanbaev, Shámshi Qaldaıaqov, Muqaǵalı Maqataev, Ermek Serkebaev syndy radıoda qyzmet etken birtýar tulǵalardyń jáne kóptegen ádebıet pen óner ókilderiniń daýystary saqtalǵan.